جامعہ الازہر شریف کے شیخ امام اکبر پروفیسر ڈاکٹر احمد طیب نے ملائیشیا کے وزیر اعظم کی طرف سے بھیجے گئے ملائیشیا کے وزیر مذہبی امور ڈاکٹر مجاہد یوسف  کا استقبال کیا۔ جہاں انہوں نے امام اکبر کو ملائیشیا کے دورے کا باضابطہ دعوت نامہ دیا۔ ملائیشیا کے وزیر مذہبی امور نے اعتدال پسند فکر کو پھیلانے میں ازہر شریف اور اس کے امام اکبر کی کوششوں کی تعریف کی۔ اور اس بات پر زور دیتے ہوئے کہا کہ ازہری نصاب انتہا پسندی اور تشدد سے دور ہے۔ 

انہوں نے ازہر کے ساتھ تعاون کو مضبوط بنانے کے لیے اپنے ملک کی خواہش کا بھی اظہار کیا، خاص طور پر ملائیشیا بھیجے جانے والے مبلغین کی تعداد میں اضافے کی خواہش کا اظہار کیا ازہر کے منہج  کو پھیلانے اور عربی زبان کی تعلیم دینے میں ان کے اہم کردار کی وجہ سے۔

 اپنی جانب سے امام  اکبر نے کہا کہ ازہر نے خیر اور امن کے پیغام کو واضح کرنے اور پھیلانے کا بیڑا اٹھایا ہوا ہے جو اسلام اور اس کی عظیم شریعت پوری دنیا میں لے کر جاتا ہے۔ لہذا، الازہر بین الاقوامی طلباء پر پوری توجہ دیتا ہے، کیونکہ وہ پوری دنیا میں اس کے سفیر ہیں، اس کے روشن خیال، معتدل نظریے کو پھیلا رہے ہیں۔ اور وہ اپنے معاشروں کی نشاۃ ثانیہ میں خلوص اور عزم کے ساتھ حصہ ڈالتے ہیں۔ 

آپ نے جدید دور کے مطابق شریعت پر اس کے مقاصد اور روح کے ساتھ عمل کرنے کی ضرورت اور جھگڑے اور اختلاف میں وقت اور مواقع ضائع نہ کرنے  پر زور دیا۔ انہوں نے ملائیشیا کے ساتھ مزید مشترکہ تعاون کے لیے ازہر کی تیاری کی تصدیق کی۔