شیخ الازہر: بعض عالمی طاقتوں کی جانب سے اختیار کی جانے والی طاقت کی غرور و تکبر ہی ہمارے دور کے تنازعات اور جنگوں کی اصل وجہ ہے۔

شیخ الازہر: جنگوں کے نتیجے میں پیدا ہونے والے بڑے مسائل کا خمیازہ صرف بچے، عورتیں اور کمزور لوگ ہی بھگتتے ہیں۔

فرانسیسی سفیر: ہم فلسطینی عوام کے آزاد ریاست قائم کرنے کے حق پر ایمان رکھتے ہیں۔

 عزت مآب امام اکبر پروفیسر ڈاکٹر احمد طیب، شیخ الازہر شریف نے مشیخۃ الازہر میں مصر میں متعین فرانسیسی سفیر، جناب ایرک شووالییے کا خیرمقدم کیا۔

عزت مآب امام اکبر پروفیسر ڈاکٹر احمد طیب، شیخ الازہر شریف نے مشیخۃ الازہر میں قاہرہ میں فرانس کے سفیر جناب اریک شوفالیہ سے ملاقات کی۔ ملاقات کے آغاز میں شیخ الازہر نے غزہ پر جاری جارحیت کے حوالے سے فرانس اور صدر ایمانوئل میکرون کے منصفانہ اور متوازن مؤقف پر شکریہ ادا کیا۔ انہوں نے اس بات کو سراہا کہ فرانس بار بار معصوم شہریوں پر حملے روکنے، ریلیف اور انسانی امداد کے قافلے بھیجنے اور فلسطینی ریاست کے قیام کے مطالبے کے لیے عالمی کانفرنس کی تیاری پر زور دیتا رہا ہے۔

شیخ الازہر نے کہا کہ پاگل پن پر مبنی جنگوں کے نتیجے میں پیدا ہونے والے بڑے اور پیچیدہ مسائل کا اصل خمیازہ صرف غریبوں، کمزوروں، بچوں اور عورتوں کو بھگتنا پڑتا ہے۔ انہوں نے توجہ دلائی کہ یہ تنازعات مشرق اور مغرب کے تعلقات پر بھی منفی اثر ڈالتے ہیں، کیونکہ ان کے پیچھے موجود خفیہ عزائم تہذیبوں کو تباہ کرتے ہیں اور انسانی اقدار اور ادیان کی تعلیمات کے خلاف ہیں۔ انہوں نے زور دیا کہ قیامِ امن کی کوششوں کو محض نظریاتی گفتگو سے نکل کر عملی اقدامات میں ڈھلنا چاہیے تاکہ معصوم لوگ اس کے اثرات زمین پر محسوس کر سکیں۔

شیخ الازہر نے اس بات پر بھی زور دیا کہ موجودہ تنازعات اور جنگیں بعض عالمی طاقتوں کی " قوت کے غلبہ" کا نتیجہ ہیں جو انسانی ہمدردی یا معصوموں کے جذبات کی کوئی پروا نہیں کرتیں۔ انہوں نے کہا: "سیاسی کوششوں پر زیادہ انحصار نہیں کیا جا سکتا جب وہ الفاظ سے آگے نہیں بڑھتیں، کیونکہ جب خون دریا کی طرح بہنے لگے تو معاملہ صرف دکھ اور افسوس جتانے سے زیادہ سنگین ہو جاتا ہے۔ انہوں نے مزید کہا کہ مفادات کو انسانی اقدار پر ترجیح دینا درست نہیں، کیونکہ اگر مفادات اقدار سے ہٹ جائیں تو وہ غیر اخلاقی فلسفے سے جنم لیتے ہیں۔

اپنی طرف سے فرانسیسی سفیر نے شیخ الازہر سے ملاقات پر خوشی کا اظہار کیا اور ان کی کوششوں کو سراہا جو وہ بقائے باہمی اور برداشت کی قدروں کو پھیلانے میں کر رہے ہیں۔ انہوں نے کہا کہ فرانس فلسطینی مسئلے کے حل کے لیے کوشاں ہے، اور فلسطینی عوام کے اپنی آزاد ریاست کے قیام کے حق کو تسلیم کرتا ہے۔ انہوں نے یہ بھی بتایا کہ فرانس غزہ میں جنگ بندی، امدادی قافلوں کے داخلے اور معصوم شہریوں کی جان بچانے کے لیے عملی اقدامات کر رہا ہے۔