شیخ الازہر: میں اللہ سے دعا کرتا ہوں کہ وہ ہمارے غزہ کے بھائیوں سے غم و مصیبت دور فرمائے اور مسلمانوں کی صفوں کو متحد کرے اور ان کے کلمے کو خیر پر جمع کرے۔

عزت مآب امام اکبر پروفیسر ڈاکٹر احمد طیب، شیخ الازہر شریف نے  صدرِ عرب جمہوریہ مصر جناب عبدالفتاح السیسی، امتِ عربیہ و اسلامیہ اور دنیا بھر کے مسلمانوں کو نئے ہجری سال 1447ھ کے موقع پر دلی مبارکباد پیش کرتے ہیں۔

اس بابرکت موقع پر شیخ الازہر نے قربانی، عزم اور حق پر ڈٹے رہنے کے معانی کو اپنانے اور اسلام میں وطن کی اہمیت کو یاد رکھنے کی تلقین کی۔ انہوں نے اس بات پر زور دیا کہ ہجرتِ نبوی ﷺ ایک عظیم واقعہ اور تاریخِ اسلام میں ایک فیصلہ کُن موڑ ہے، جس نے رسول اکرم ﷺ کی سیرتِ طیبہ میں مسلمانوں کے لیے اعلیٰ نمونہ پیش کیا—اللہ پر کامل بھروسہ، توکل، اپنی دعوت کی راہ میں مصائب سہنے کا حوصلہ، اور غیر مسلموں کے ساتھ پُرامن بقائے باہمی کی بہترین مثالیں ہیں۔

شیخ الازہر نے پوری امتِ مسلمہ کو میانہ روی اور اعتدال کے راستے پر چلنے، اختلاف و تفرقے کو ترک کرنے، اسلامی اتحاد کو مضبوط کرنے اور مسلم ممالک کے درمیان باہمی تعاون بڑھانے کی دعوت دی، تاکہ امن، ترقی اور خوشحالی حاصل ہو سکے۔

مزید برآں، شیخ الازہر نے اللہ تعالیٰ سے دعا کی کہ نیا ہجری سال خیر و برکت، امن و امان کا سال ثابت ہو، غزہ کے مظلوم بھائیوں کی مصیبتیں ختم ہوں، مسلمانوں کی صفیں متحد ہوں، اور ہماری عزیز سرزمین مصر اور امتِ عربیہ و اسلامیہ ہر طرح کی برائی سے محفوظ رہیں۔ ساتھ ہی انہوں نے دعا کی کہ اللہ تعالیٰ پوری انسانیت پر امن، استحکام، خوشحالی اور سلامتی کی نعمتیں قائم رکھے اور دنیا کے قائدین کو حق، عدل اور اقوام کے درمیان مساوات کے اصولوں پر کاربند رہنے کی توفیق عطا فرمائے۔