امام الاکبر پروفیسر ڈاکٹر احمد الطیب نے جمعہ کے روز ممالک اور کمپنیوں سے مطالبہ کیا کہ وہ کورونا ویکسین کی قیمتوں کے تعین کی پالیسیوں اور تقسیم کے منصوبوں پر نظر ثانی کریں اور ویکسین کی تقسیم میں غیر توازن کی صورت حال کو دور کرنے کے لئے کام کریں تاکہ یہ یقینی بنایا جاسکے کہ یہ غریب ترین اور ضرورت مند علاقوں تک یہ ویکسین پہنچے۔ امام الاکبر نے سوشل میڈیا پر اپنے آفیشل صفحات پر لکھا: "ہمیں ایک حقیقی انسانی آزمائش کا سامنا ہے؛ اس پر صرف یکجہتی اور چوکس ضمیر، خالص رحم اور انسانی انصاف کی بالادستی کے طریقے سے قابو پایا جا سکتا ہے، میں کورونا ویکسین تیار کرنے والی کمپنیوں سے مطالبہ کرتا ہوں کہ وہ قیمتوں کی پالیسیوں اور تقسیم کے منصوبوں پر نظر ثانی کریں اور میں امیر ممالک سے بھی مطالبہ کرتا ہوں کہ وہ ویکسین کی تقسیم میں غیر توازن کو دور کرنے کے لئے کام کریں تاکہ غریب ترین اور ضرورت مند علاقوں تک اس کی رسائی کو یقینی بنایا جا سکے۔ گزشتہ ٹویٹس اور ٹیلی ویژن پروکی اقساط میں شیخ الازہر نے کورونا ویکسین کے ممالک اور مینوفیکچررز سے مطالبہ کیا تھا کہ وہ کورونا ویکسین حاصل کرنے کے حق میں غریبوں اور پناہ گزینوں کو مایوس نہ کریں اور پیداواری کمپنیاں تجارت اور مادی اکاؤنٹس کی منڈیوں سے دور اپنے پیغام اور انسانی ضمیر کی بنیاد پر ویکسین کی تقسیم کے لئے منصفانہ پالیسی اپنائیں۔ شیخ الازہر نے مختلف مواقع پر سائنسدانوں اور محققین کی جانب سے دنیا کو کورونا ویکسین فراہم کرنے کی کوششوں کی تعریف کرتے ہوئے ان کوششوں کو "ان ہیروز کی طرف سے ایک فیاضانہ اور قابل ستائش تحفہ قرار دیا ہے جنہیں اللہ نے ایک وبا کی روشنی میں انسانی زندگیوں کو محفوظ رکھنے کے لئے منتخب کیا ہے جس میں دس لاکھ سے زائد افراد ہلاک ہو چکے ہیں اور دنیا کو مسلسل تکالیف ہو رہی ہیں۔" اس سے قبل امام الاکبر نے طبی عملے کے ہیروز؛ ڈاکٹروں، نرسوں، ملازمین اور کارکنوں کو بھی حمایت اور تعریف کے پیغامات بھیجے جو معاشرے کو کورونا وائرس سے بچانے اور محفوظ رکھنے کے لئے دفاع کی پہلی لائنوں پر کھڑے ہیں اور ان کے کام اور کوششوں کو انسانی قربانیاں قرار دیتے ہیں۔