شیخ ازہر عزت مآب امام اکبر جناب پروفیسر ڈاکٹر احمد الطیب نے قاہرہ میں لتھوانیا کے سفیر کے استقبال کے دوران کہا کہ ائمہ ومبلغین کی تربیت کے لئے ازہر انٹرنیشنل اکیڈمی عالمی امن کے خواب کو حاصل کرنے کے مقصد سے ایک ذریعہ اور آلہ ہے کیونکہ ازہر دنیا بھر سے مسلمانوں کے اماموں کا استقبال کرتا ہے اور اپنے خرچ پر ان کی میزبانی کرتا ہے اور مسلسل دو مہینوں کے دوران ہر معاشرے کے مطابق خصوصی طور پر تیار کیے گئے پروگرام کے ذریعے ان کو مثقف بناتا ہے اور ہم ان کی میزبانی کرتے ہیں اور انہیں انتہاپسندانہ سوچ کی تردید، خواتین کے سلسلہ میں اسلامی موقف اور مسلمانوں کے دوسروں کے ساتھ بقائے باہمی سے متعلق جدید مسائل سے نمٹنے کے لئے تربیت دیتے ہیں اور ہم اس بات کے خواہشمند ہوتے ہیں کہ امام مصر کی گلیوں میں جائیں اور اپنی آنکھوں سے دیکھیں کہ گلی میں مسلمانوں اور عیسائیوں کے درمیان بقائے باہمی کی کیا فضا ہے تاکہ یہ ائمہ ایک روشن خیال اور مضبوط معتدل فکر کے ساتھ واپس جائیں اور جو کچھ انہوں نے سیکھا ہے اسے نہ صرف مسلمانوں کے بچوں میں بلکہ ان کے معاشروں کے تمام افراد میں بھی اپنی روزمرہ کی بات چیت کے ذریعے پھیلائیں۔

اسی سلسلہ میں قاہرہ میں لیتھوانیا کے سفیر مسٹر آرٹورس جیلیوناس نے شیخ ازہر سے ملاقات سے اپنی خوشی کا اظہار کیا ہے اور عالمی امن کو پھیلانے کے لئے ان کی قابل قدر کوششوں کو سراہا ہے اور یہ بھی خواہش ظاہر کی ہے کہ ازہر کے امام لتھوانیا کی کمیونٹی میں جائیں اور لتھوانیا بھی اماموں کی تربیت کے لئے الازہر انٹرنیشنل اکیڈمی کے پروگراموں سے استفادہ کر سکے اور اس بات پر بھی زور دیا کہ مذاہب نے لتھوانیا کے معاشرے کو کئی صدیوں سے اکٹھا کر رکھا ہے اور مسلمان اور عیسائی لتھوانیا میں امن اور ہم آہنگی کے ساتھ رہ رہے ہیں۔