امام اکبر پروفیسر ڈاکٹر احمد طیب شیخ الازہر شریف نے پیر کو مشیخۃ الازہر میں کفر الشیخ یونیورسٹی کے صدر ڈاکٹر عبدالرزاق دسوقی سے ملاقات کی۔ شیخ الازہر نے نوجوانوں میں شعور بیدار کرنے اور انہیں انتہا پسندانہ نظریات اور الحاد سے بچانے کی ضرورت پر زور دیا۔ اور ان کی بات سننے اور ان کے بارے میں جاننے کی ضرورت پر زور دیا کہ وہ اور ان کی سوچ کس چیز میں مشغول ہے۔ الحاد اور انتہا پسندانہ نظریات جن  کا مقصد نوجوانوں کے ذہنوں میں اسلام کی شبیہ کو مسخ کرنا، ان کی زندگیوں سے مذہب کو خارج کرنا اور روزمرہ کی لغت سے مذہبی اور اخلاقی اقدار کے نظام کو ختم کرنا ہے۔ کے شبہات کی تردید سے متعلق لیکچرز اور ورکشاپس کو تیز کرنے کی ضرورت پر زور دیا  (تاکہ ان نظریات کا قلع قمع کیا جا سکے) دوسری طرف سے، کفرالشیخ یونیورسٹی کے چانسلر نے شیخ الازہر سے ملاقات پر خوشی کا اظہار کیا، اور نوجوانوں اور خواتین کو بااختیار بنانے  کی کوششوں اور عرب اور اسلامی امت  کے مسائل کے حل کے لیے الازہر کے کردار کو سراہا۔ انہوں نے اس بات پر زور دیا کہ کفر الشیخ یونیورسٹی جامعہ الازہر کے ساتھ تعاون کے پروٹوکول کو الازہر بین الاقوامی مرکز برائے الیکٹرانک فتویٰ کے ذریعے مکمل کرنے کی کوشش کرے گی، تاکہ نوجوانوں کی حفاظت کی جائے، اور الحاد کے شبہات کی تردید اور مذہبی معاملات سے متعلق نوجوانوں کے تمام سوالات کے جوابات دینے میں اس کی مہارت سے استفادہ کیا جا سکے۔