ایک ازہری ڈاکٹر نے گلاسگو میں رائل کالج آف ڈاکٹرز اینڈ سرجنز کی صدارت سنبھال رہا ہے... اور امام اکبر نے انہیں مبارکباد دی اور اس  تاریخی کامیابی پر ان کے لیے دعا کی۔ ایک ازہری ڈاکٹر نے  گلاسگو میں رائل کالج آف ڈاکٹرز اینڈ سرجنز کی صدارت سنبھالی ہے جس کی تاریخ 425 سال سے زیادہ ہے۔ امام اکبر پروفیسر ڈاکٹر احمد  طیب شیخ الازہر شریف نے ایک فون کال کے ذریعے، الازہر یونیورسٹی کی فیکلٹی آف میڈیسن  کے رکن ڈاکٹر ہانی عطیبہ کو گلاسگو میں رائل کالج آف ڈاکٹرز اینڈ سرجنز کے صدر کا عہدہ سنبھالنے پر مبارکباد دی۔ وہ اس باوقار کالج جس کی تاریخ 425 سال سے زیادہ ہے کی صدارت سنبھالنے والے پہلے مصری ازہری ڈاکٹر ہیں۔  ڈاکٹر ہانی عطیبہ سے فون کال کے دوران، انہوں نے اس تاریخی علمی کامیابی کی تعریف کرتے ہوئے کہا: "گلاسگو کے رائل کالج آف ڈاکٹرز اینڈ سرجنز کے لیے  یہ اعزاز ہے کہ آپ نے اس اعلیٰ منصب  کو سنبھالا ہے۔ آپ بلاشبہ اپنے عظیم تجربے اور عالمی صلاحیتوں کے ساتھ ایک عظیم اضافے کی نمائندگی کرتے ہیں، آپ اس قدیم، تاریخی سائنسی ادارے کو کامیابی اور ترقی کے وسیع افق کی طرف لے جانے کے اہل بنائیں گے"۔ ڈاکٹر ہانی عطیبہ نے 1979ء میں الازہر یونیورسٹی سے میڈیسن اور سرجری میں بیچلر کی ڈگری حاصل کی تھی، جس کے بعد وہ الازہر کالج آف میڈیسن میں شعبہ امراض قلب میں نائب مقرر ہوئے، اور پھر اسی کالج سے 1983ء میں ماسٹر کی ڈگری حاصل کی۔ اس کے بعد انہوں نے ڈاکٹریٹ کی ڈگری حاصل کرنے کے لیے ایک علمی مشن پر برطانیہ کا سفر کیا اور انٹرینشنل کارڈیالوجی میں تخصص کیا۔ اس کے بعد اس نے گلاسگو کے رائل کالج آف ڈاکٹرز اینڈ سرجنز میں کام شروع کیا، یہاں تک کہ وہ انٹروینشنل کارڈیالوجی میں اس کے سب سے نمایاں کنسلٹنٹس میں سے ایک بن گئے، یہاں تک کہ وہ اس کے صدر مقرر ہو گئے، وہ اس عہدے پر فائز ہونے والے پہلے مصری اور عرب ڈاکٹر ہیں۔ گلاسگو میں رائل کالج آف ڈاکٹرز اینڈ سرجنز کا شمار دنیا کے اہم ترین میڈیکل کالجوں میں ہوتا ہے اور اس کے صدر کے انتخاب کا عمل دنیا کے تمام ممالک کے تمام میڈیکل کالجوں سے عالمی انتخابات کے ذریعے کیا جاتا ہے۔ یہی وجہ ہے کہ اس اعلیٰ عہدے کے لیے ایک مصری ازہری  ڈاکٹر کا انتخاب مصریوں کی بے پناہ صلاحیتوں کا بہترین ثبوت ہے جو اسے بڑے بین الاقوامی اداروں اور تمام شعبوں میں اعلیٰ عہدوں پر فائز ہونے کا اہل بناتی ہیں۔