شیخ الازہر نے جرمن دارالحکومت برلن کا دورہ کیا اور بین الاقوامی کانفرنس برائے امن پر ایک متاثر کن خطاب کے ساتھ  اس کا آغاز کیا۔

امام اکبر نے جرمنی کے صدر سے ملاقات کی تاکہ یورپ میں اسلامو فوبیا سے نمٹنے اور مقدسات کی توہین کا مقابلہ کرنے کے طریقوں پر تبادلہ خیال کیا جا سکے۔

امام  اکبر " بین الاقوامی اجلاس برائے امن" کے افتتاح کے دوران متاثر کن پیغامات بھیجتے... اور زور دیا کہ:

کچھ حکومتوں کی جانب سے آزادی اظہار کی آڑ میں قرآن جلانے کی حمایت عقل سے  مذاق ہے،

گرجا گھروں کو جلانے کا جرم گناہ اور جارحیت میں قرآن کو جلانے کے جرم کے برابر ہے۔

فلسطینی عوام کو ان کے حقوق سے محروم کرنا اور ان کی سرزمین پر زندگی گزارنا ایک سنگین اور دیرینہ ناانصافی ہے۔

سال 2023 میں امام اکبر پروفیسر ڈاکٹر احمد طیب شیخ الازہر شریف ، چیئرمین مسلم کونسل آف ایلڈرز ، کا جرمن دارالحکومت برلن کا ایک اہم دورہ بین الاقوامی امن کانفرنس کے کام میں حصہ لینے کے لیے دیکھنے میں آیا۔ جو سینٹ ایگیڈیو ایسوسی ایشن کے زیر اہتمام 10 سے 12 ستمبر تک منعقد کی گئی تھی۔ اس دورے میں بڑی تعداد میں رہنماؤں، عہدیداروں اور بین المذاہب مکالمے اور امن اور بقائے باہمی کے امور میں دلچسپی رکھنے والوں کے ساتھ کئی اہم ملاقاتیں ہوئیں۔

جرمنی میں مسلم کمیونٹیز کے نمائندوں کے ایک وفد کے ساتھ امام اکبر کی ملاقات

امام اکبر نے برلن میں اپنے دورے کا آغاز جرمنی میں مسلم کمیونٹیز کے نمائندوں کے ایک وفد سے ملاقات کے ذریعے کیا، جہاں انہوں نے ان سے جرمنی میں مسلمانوں کو درپیش اہم ترین مسائل اور الازہر کی علمی اور دعوتی حمایت کے طریقوں اور جرمن معاشرے میں مثبت طور پر انضمام میں ان کی مدد کرنے کے طریقوں پر تبادلہ خیال کیا۔ اور الازہر انٹرنیشنل اکیڈمی برائے تربیت ائمہ اور مبلغین میں جرمن ائمہ کی میزبانی اور انہیں تربیت دینے اور الازہر کے سینئر پروفیسرز اور اسکالرز کے ایک گروپ کے ہاتھوں خاص طور پر ان کے لیے ایک نصاب اور پروگرام تیار کرنے جو جرمن معاشرے کی فطرت کے مطابق کی توثیق کی۔

جبکہ جرمنی میں مسلم کمیونٹیز کے نمائندوں کے وفد نے امام اکبر سے ملاقات پر انتہائی مسرت کا اظہار کرتے ہوئے، آپ کی طرف سے اسلام کی غلط تصویر کو درست کرنے کے لیے کی جانے والی کوششوں کو سراہا، نیز مغرب میں رہنے والے مسلمانوں کی حمایت کی کوششوں کو بھی سراہا۔ تاکہ معاشروں کے استحکام اور امن کو پھیلانے کے لیے انسانی بھائی چارے اور پرامن بقائے باہمی کی عالمی اقدار کو تقویت ملے۔

جرمنی میں ایرانی سفیر جناب محمود فرزندہ کے ساتھ امام اکبر کی ملاقات

امام اکبر  نے جمہوریہ جرمنی میں اسلامی جمہوریہ ایران کے سفیر جناب محمود فرزندہ سے بھی ملاقات کی۔ ملاقات کے دوران، آپ نے اس بات کی تصدیق کی کہ آج مسلمانوں کی تقسیم اور انتشار کی حالت ان غیر اسلامی رجحانات کی وجہ سے ہے جن سے قرآن کریم میں اللہ تعالیٰ نے منع کیا  ہے: ’’اور جھگڑا نہ کرو ورنہ ہمت ہار جاؤ‘‘۔ یہ کشمکش اسلامی صفوں کی تقسیم، مسلمانوں کی تقسیم، اور ان میں اسلامی وژن اور متحد اسلامی ہدف کی کمی کا باعث بنی ہے جس کی طرف ہم اختلافات کے باوجود واپس جاسکتے ہیں۔

شیخ الازہر نے اس بات پر بھی زور دیا کہ عصر حاضر میں سب سے نمایاں عالمی چیلنج مذہبی اور اخلاقی اقدار بلکہ انسانی اقدار کا سائنسی ترقی کی وجہ سے چھن جانا ہے۔ امام اکبر نے اس بات پر زور دیا کہ ازہر شریف مسلمانوں کے اتحاد کے لیے پرعزم ہے، اور اس منصوبے کو اسلامی نقشے پر مسلط کرنے کے لیے ہر ممکن کوشش کرنے سے دریغ نہیں کرے گا، چاہے کتنی ہی مشکلات اور چیلنج کیوں نہ ہوں۔ 

اپنی طرف سے ایرانی سفیر نے شیخ الازہر سے ملاقات پر خوشی کا اظہار کرتے ہوئے کہا کہ ایران الازہر کی طاقت اور مسلمانوں کو متحد کرنے کی صلاحیت پر یقین رکھتا ہے۔ بحرین ڈائیلاگ فورم میں شیخ الازہر کے کی طرف سے طلب کیے گئے اسلامی مکالمے کے اپنے ملک کے خیرمقدم کا اظہار کیا اور اسلامی فکر کے مختلف مکاتب فکر کے درمیان ان کے تعاون کے منصوبوں کو سراہا۔

جمہوریہ جرمن کے صدر فرینک والٹر سٹینمیئر سے امام اکبر کی ملاقات

امام اکبر نے جرمن جمہوریہ کے صدر فرینک والٹر سٹینمیئر سے بھی ملاقات کی، جس میں یورپ میں اسلامو فوبیا کی بڑھتی ہوئی رفتار سے نمٹنے کے طریقوں پر تبادلہ خیال کیا گیا، اور مذہبی مقدسات کی توہین اور اسلام اور مسلمانوں کے خلاف مخاصمت کے رجحان کو دور کرنے کے لیے بات چیت کی۔ آپ نے اس بات کی تصدیق کی کہ ازہر شریف امن اور انسانی بھائی چارے کی اقدار کو مقامی اور عالمی سطح پر پھیلانے کا خواہاں ہے اور الازہر نے عالمی سطح پر امن کی اقدار کو فروغ دینے میں بڑی پیش رفت کی ہے۔ ان کاوشوں اور اقدامات کا تاج 2019 میں ابوظہبی میں تقدس مآب پوپ فرانسس کے ساتھ تاریخی انسانی برادری کی دستاویز پر دستخط کرنا تھا، یہ ایک ایسا پیغام ہے  جو پوری دنیا کے لیے خیر کا حامل ہے۔

شیخ الازہر نے نشاندہی کی کہ الازہر کسی بھی مذہب کو نقصان پہنچانے کے حوالے سے ایک ہی موقف پر کھڑا ہے، اور اسلامی مقدسات یا دوسرے مذاہب کے مقدسات میں فرق نہیں کرتا۔ جس طرح الازہر قرآن پاک - خدا کی کتاب کو جلانے کے واقعات کے خلاف کھڑا تھا – اسی طرح  پاکستان میں گرجا گھروں اور عیسائیوں پر حملوں کے بارے میں بھی اس کا موقف واضح ہے۔ اس بات پر زور دیتے ہوئے آپ نے کہا کہ دونوں موقف ایک حقیقی اور پختہ یقین سے جنم لیتے ہیں کہ دور حاضر کے انسانی بحرانوں سے نکلنے کا کوئی راستہ نہیں ہے سوائے مکالمے کے، میل جول، بقائے باہمی اور انضمام کے کلچر غالب کے۔ یہاں تک کہ مکالمہ جنون اور نفرت کی جگہ لے لے۔

اپنی طرف سے جرمن صدر نے جرمنی میں شیخ الازہر کے موجود ہونے پر انہیں پرتپاک انداز سے خوش آمدید کہا انہوں نے شیخ الازہر کی طرف سے سب کے درمیان بقائے باہمی، بھائی چارے اور مساوات کی اقدار کو فروغ دینے کے لیے کی جانے والی عظیم کوششوں کی پیروی کا بتایا  اور ساتھ ہی ساتھ شیخ الازہر اور پوپ فرانسس کے درمیان برادرانہ تعلقات کو سراہا۔ 

" بین الاقوامی اجلاس برائے امن " کی افتتاحی تقریب کے دوران امام اکبر کے متاثر کن پیغامات۔

امام اکبر پروفیسر ڈاکٹر احمد طیب شیخ الازہر نے "سنت ایگیڈیو" ایسوسی ایشن کے زیر اہتمام " بین الاقوامی اجلاس برائے امن" جس کا انعقاد: برلن، جرمنی میں، ستمبر۔ 10-12، 2023  کے عرصے کے دوران ہوا،  کا افتتاح  سلطنت مراکش کے لوگوں کے ساتھ ان کے عظیم نقصان پر تعزیت کے ساتھ۔ کیا، جس نے سب کے دل توڑ دیے۔ اور کہا کہ رب العالمین سے دعا ہے کہ وہ متاثرین کو اپنی وسیع بخشش اور رحمت سے ڈھانپے، ان کے اہل خانہ اور عزیزوں میں صبر دے، ان کے دلوں کو تقویت دے، اور زخمیوں کو جلد صحت یاب کرے۔ انہوں نے "سانت ایگیڈیو" گروپ کا بھی شکریہ ادا کیا کہ انہوں نے انہیں اس میٹنگ میں مدعو کیا، جو انسانی بھائی چارے اور عالمی امن کے مطالبے کو اپنانے پر "سانت ایگیڈیو" کے اصرار کی عکاسی کرتی ہے۔ جس نے اس فعال ایسوسی ایشن کو اس سال "زاید انٹرنیشنل ایوارڈ برائے انسانی برادری" جیتنے کا اہل بنایا۔

اپنی تقریر کے دوران، امام اکبر نے اہم پیغامات کا ایک مجموعہ پیش کیا جو دنیا کو تنازعات، اختلاف اور جنگوں کی لعنت سے بچانے کے لیے ایک روشنی اور طریقہ کار سمجھا جاتا ہے۔ اس بات پر زور دیتے ہوئے کہا کہ عصری دنیا کو آسمانی مذاہب کی آواز سننے کی اشد ضرورت ہے، کیونکہ وہ عقل، حکمت اور علم کی آواز ہیں۔ اور ہماری عصری دنیا کے بحرانوں سے نکلنے کی کوئی امید نہیں ہے سوائے الہٰی دین کی رہنمائی سے روشنی لینے کے جیسا کہ خدا نے اسے نازل کیا ہے، جو لوگوں کے لیے ہدایت اور رحمت ہے۔ نہ کہ ایسا جیسا کہ اس کے بعض ماننے والے پالیسی مارکیٹ اور الیکشن اسٹاک ایکسچینج کی طرح اس کی تجارت کرتے ہیں۔

آپ نے یہ بھی نشاندہی کی کہ سائنسی ترقی اخلاقی ذمہ داری کے میدان میں متوازی ترقی کے ساتھ نہیں ہے۔ یہ واضح ہو گیا ہے کہ تکنیکی اور تہذیبی ترقی اور جنگوں کے درمیان تعلق ایک مستقل اور مسلسل تعلق بن گیا ہے۔ اور ایک پراسرار اور مشکوک انتظام کے ذریعے دہشت گردی نے اسلام کے نام پر لوگوں کی جانیں لی ہیں اور ہمارے خطے میں تباہی مچا دی ہے۔ اور اس کی طاقت ٹوٹتے ہی ہم جنگوں کے ایک نئے سلسلے کا شکار ہو گئے، جس کے تباہ کن اثرات جاری ہیں۔

آپ نے اس بات کی بھی نشاندہی کی کہ آزادی اظہار کی آڑ میں کچھ حکومتوں کی طرف سے قرآن کو جلانے کی حمایت ذہنوں کی بے حسی ہے اور گرجا گھروں کو جلانے کا جرم گناہ میں قرآن کو جلانے کے جرم اور جارحیت کے مترادف ہے۔ آپ نے اس بات پر بھی زور دیا کہ فلسطینی عوام کو ان کی سرزمین پر ان کے حقوق اور روزی روٹی سے محروم رکھنا اور اس انسانی المیے پر مہذب دنیا کی خاموشی ایک سنگین اور دیرینہ ناانصافی ہے۔

خواتین کے حقوق میں ازہر شریف کے اہتمام کے بارے میں، آپ نے اس بات کی تصدیق کی کہ اسلام نے خواتین کے سیکھنے اور سکھانے کے حقوق کو تسلیم کیا ہے، اور اپنے معاشرے کی خدمت کرنے اور ان کی فطرت کے مطابق ملازمتوں کے حق کو تسلیم کیا ہے۔ اسلام نے اس طرف تقریباً ایک ہزار پانچ سو سال پہلے بلایا تھا۔ ان حقوق کو غصب کرنا اس امر کے خلاف ہے جس کی اسلام نے منظوری دی ہے۔ انہوں نے اس بات پر بھی زور دیا کہ اس خاندانی نظام کے ساتھ ہونے والی ناانصافی جس پر انسانیت اپنے باپ آدم علیہ السلام کے بعد سے قائم ہے، اس کی فطرت کو بگاڑ دیتی ہے، اور اگر اسے روکا نہ گیا تو یہ اس کی تقدیر اور بچوں کے حقوق کے ساتھ کھیلنا ہے۔ سو یہ حتمی طور پر اس نسل انسانی کو ختم کردے گا۔

جرمنی کے آرچ بشپ سے امام اکبر کی ملاقات

دورے کے دوران، امام اکبر نے مسلم کونسل آف ایلڈرز کے سیکرٹری جنرل کونسلر محمد عبدالسلام کی موجودگی میں جرمن بشپس مجلس کے صدر بشپ جارج بٹزنگ سے ملاقات کی۔

آپ  نے ان ملاقاتوں کی اہمیت کا اظہار کیا جو آپ کی طرف سے مذاہب کے رہنماؤں اور علمائے کرام کے ساتھ  کی گئیں، کیونکہ آپ کے نظریے کے مطابق عوام میں امن نہیں لایا جا سکتا سوائے اس کے کہ ان سے پہلے بات چیت اور امن کا ایک قدم مذاہب کے درمیان اٹھایا جائے۔ انہوں نے مزید کہا کہ الازہر نے مصر کے اندر اور باہر مختلف مذہبی اداروں  جیسے کہ ورلڈ کونسل آف چرچز، مڈل ایسٹ کونسل آف چرچز، اور چرچ آف کنٹربری کے ساتھ بات چیت کے لیے اپنا مثبت کھلا پن جاری رکھا۔ اس مکالمے کے نتیجے میں نقطہ نظر یکجا ہوا اور ہم لوگوں کو بھلائی فراہم کرنے میں مکالمے سے فائدہ اٹھانے کے قابل ہو گئے۔

شیخ الازہر نے اس بات پر زور دیا کہ معاشروں میں بین المذاہب مکالمے کو فروغ دینے کے لیے ضروری بنیادوں میں تعلیم سب سے آگے ہے، جس کی نمائندگی دوسروں کے احترام اور قبولیت سے ہوتی ہے، خاص طور پر تعلیم کے ابتدائی مراحل میں۔ لہٰذا، مسلم کونسل آف ایلڈرز نے انسانی بھائی چارے کی دستاویز کو عام کرنے کے لیے کام کرنے میں  پہل کی اور عالمی سطح پر انسانی بھائی چارے کے اصولوں کو فروغ دینے کے لیے اسکول کے نصاب میں اس سے عبارتیں شامل کیں۔

اپنی طرف سے، جرمن بشپس کونسل کے صدر نے شیخ الازہر سے ملاقات پر خوشی کا اظہار کیا، اور بھائی چارے، امن اور بین المذاہب مکالمے کی اقدار کو مستحکم کرنے کے لیے ان کی کاوشوں کو سراہا۔ انہوں نے اس بات پر زور دیتے ہوئے کہا کہ سینٹ ایگیڈیو ایسوسی ایشن کی جانب سے منعقدہ بین الاقوامی امن اجلاس میں شیخ الازہر کی تقریر اہم پیغامات پر مشتمل ہے اور بھائی چارے اور امن کو مستحکم کرنے کے لیے مزید کام کرنے کی ترغیب کا ذریعہ ہے۔

اریگیٹو انٹرنیشنل فاؤنڈیشن کے وفد کے ساتھ امام اکبر کی ملاقات... اور انہوں نے ایک عالمی رجحان کے بارے میں خبردار کیا جس کا مقصد بچوں میں کم عمری میں خاندانی نظام کو تباہ کرنا ہے۔

اسی طرح امام اکبر نے آریگیٹو انٹرنیشنل فاؤنڈیشن کے ایک وفد سے بھی ملاقات کی جس کی سربراہی تنظیم کے سی ای او ڈاکٹر کیشی میاموٹو اور ڈاکٹر مصطفی یوسف علی، گلوبل نیٹ ورک آف ریلیجنز فار چلڈرن کے سیکرٹری جنرل کر رہے تھے۔ وہ اماراتی دارالحکومت ابوظہبی میں دنیا بھر سے 600 سے زائد مذہبی شخصیات کی موجودگی میں تنظیم کے چھٹے بین الاقوامی فورم کی ایگزیکٹو کمیٹی کے کام میں شرکت کے لیے آپ کو مدعو کرنے کے لیے آئے تھے، جو "بچوں کے لیے ایک ساتھ" کے عنوان سے منعقد کیا جا رہا ہے۔ 

امام  اکبر نے بچوں کے تحفظ اور ان کے حقوق کے تحفظ سے متعلق تمام اداروں کے لیے اپنی تعریف کا اظہار کرتے ہوئے کہا کہ اسلام اس وقت سے بچوں کے حقوق کی ضمانت دیتا ہے جب وہ اپنی ماؤں کے پیٹ میں ہوتے ہیں۔ اس نے انہیں عقل کے مطابق صحت مند ماحول میں تعلیم اور پرورش کے حق کی بھی ضمانت دی، انہوں نے اس بات کی بھی تصریح کی کہ ’’بچے کو مرد باپ اور لڑکی  ماں کے درمیان اچھے طریقے سے پرورش پانے کا حق حاصل ہے، لیکن نیا عالمی رجحان شادی کے فطری نظریہ کو سبوتاژ کرنے اور خاندانی نظام کو تباہ کرنے کی کوشش کر رہا ہے۔‘‘ یہ کم عمری میں بچوں کو نشانہ بناتا ہے، اور اگر ہم نے اس رجحان کے خطرے پر توجہ نہیں دی تو ہم اپنے بچوں اور آنے والی نسلوں کے خلاف ہونے والے جرم میں ملوث ہوں گے۔"

اپنی طرف سے، تنظیم کے سی ای او کیشی میاموٹو نے بچوں کے حقوق کے بارے میں بیداری پیدا کرنے کے لیے امام اکبر جو کچھ کر رہے ہیں اس کی تعریف کی۔ اور بتایا کہ وہ "ڈیجیٹل دنیا میں بچوں کے وقار کو فروغ دینا" کے عنوان کے تحت بین المذاہب رہنماؤں کی سربراہی اجلاس میں مختلف سرگرمیوں اور شرکت کے بارے میں امام اکبر کو فالو اپ کرتے ہیں۔ اور تنظیم کی جانب سے شیخ الازہر کو تنظیم کے بین الاقوامی فورم "ٹوگیدر فار چلڈرن" کے چھٹے ایڈیشن میں شرکت کرنے کی خواہش پر زور دیا، جو پہلی بار کسی عرب ملک - متحدہ عرب امارات میں منعقد ہو رہا ہے۔  تاکہ بچوں کے تحفظ اور ان انتہا پسند گروہوں کا مقابلہ کرنے کے بارے میں اسلام کے صحیح موقف کو ظاہر کیا جائے جو بچوں کا غلط استعمال کرتے ہیں اور انہیں جنگوں اور تنازعات میں فرنٹ لائن پر استعمال کرتے ہیں۔