امام اکبر: ازہری منہج عرب اور اسلامی دنیا کے تمام ممالک کے لیے سلامتی اور امن کا ایک سبب ہے۔

الازہری کی تعلیم غیر سیاسی ہے اور کسی ایجنڈے کے تابع نہیں ہے۔

ہم ترکی میں عربی زبان سکھانے کے لیے ایک مرکز قائم کرنے کے لیے تیار ہیں اور ترک اماموں کی تربیت کا خیرمقدم کرتے ہیں۔

عزت مآب امام اکبر پروفیسر ڈاکٹر احمد طیب شیخ الازہر شریف بروز  جمعرات  مشیخۃ الازہر میں، قاہرہ میں  تعینات ترکی کے سفیر جناب صالح موطلو شن سے الازہر اور ترکی کے درمیان تعاون کو بڑھانے کے طریقوں پر تبادلہ خیال کرنے، اور ترکی کے باشندوں کو الازہر میں تعلیم حاصل کرنے کے لیے فراہم کی جانے والی الازہر اسکالرشپ کو بڑھانے کے طریقوں پر تبادلہ خیال کیا۔

امام اکبر نے کہا: الازہر غیر ملکی طلباء کو اسکالر شپ دے کر اور وہاں الازہر کے مشنری بھیج کر اسلامی دنیا کے تمام ممالک کے ساتھ اپنے تعلقات کو مضبوط کرنا چاہتا ہے۔ اور بتایا  کہ الازہر میں 350 سے زائد ترک طلباء مختلف تعلیمی سطحوں پر زیر تعلیم ہیں، الازہر ترک طلباء کو اپنے اداروں اور یونیورسٹی میں تعلیم حاصل کرنے کے لیے 8 سالانہ اسکالرشپ پیش کرتا ہے۔ انہوں نے الازہر کی جانب سے ترکی کے طلباء کے الازہر میں تعلیم حاصل کرنے کے عزائم کو پورا کرنے اور اس کے مستند علمی ذرائع سے اخذ کرنے کے لیے اسکالرشپ میں اضافہ کرنے اور ان کی صحیح تعلیمی تیاری کو یقینی بنانے کے لیے انہیں تمام سہولتیں فراہم کرنے کی توثیق کی۔

شیخ الازہر نے کہا کہ ازہری منہج عرب اور اسلامی دنیا کے تمام ممالک کے لیے سلامتی اور امن کا سبب ہے اور ایک ہزار سال سے زائد عرصے تک تسلسل سے شدت پسندی، انتہا پسندی اور غفلت کا مقابلہ کرنے کی اس کی صلاحیت اور عصری اور ابھرتے ہوئے مسائل سے نمٹنے میں اس کی لچک کی تصدیق کرتا ہے۔ اس بات پر زور دیتے ہوئے کہا کہ الازہری نصاب دنیاوی اور دینی علوم کو نہ صرف مسلمانوں بلکہ پوری دنیا کے سامنے پیش کرنے کا خواہاں ہے۔ الازہری تعلیم کو دنیا بھر کے مسلمانوں کا اعتماد حاصل ہے کیونکہ یہ غیر سیاسی ہے اور کسی ایجنڈے کے تابع نہیں ہے، کچھ ممالک کی جانب سے الازہری منہج کو خارج کرنے یا اسے پسماندہ کرنے کی کوششوں کے خطرے سے خبردار کیا گیا ہے۔ اس کے نتیجے میں انتہا پسندی، نفرت اور فرقہ وارانہ تعصب کی بیماریاں پھیل گئیں۔

امام اکبر نے ترکی میں عربی زبان سکھانے کے لیے ایک مرکز قائم کرنے اور الازہر کے اساتذہ کو وہاں کام کرنے کے لیے بھیجنے کے لیے الازہر کی تیاری کی بھی تصدیق کی۔ تاکہ قرآن پاک کی زبان سیکھنے میں ترکی کے لوگوں کی خدمت کی جائے، نیز الازہر کی جانب سے ترکی کے اماموں کو لانے اور اماموں اور مبلغین کی تربیت کے لیے الازہر انٹرنیشنل اکیڈمی میں تربیت دینے اور ایک ایسا نصاب مختص کرنے کے لیے تیار ہے جو ترک معاشرے کی ضروریات اور اس کے لوگوں کی خواہشات کے مطابق ہو۔

اپنی طرف سے، ترک سفیر نے امام اکبر سے ملاقات اور الازہر الشریف جو ایک علمی ادارہ ہے جسے دنیا بھر کے مسلمانوں کا اعتماد اور احترام حاصل ہے میں اس میں موجودگی پر خوشی کا اظہار کیا، اور الازہر اور ترکی کے اداروں کے درمیان مشترکہ کانفرنسوں اور اجلاسوں کے انعقاد کے ذریعے، الازہر کے ساتھ تعلقات کو مضبوط بنانے کے لیے اپنے ملک کی کوششوں کی توثیق کی۔۔ تاکہ ہماری اسلامی دنیا کو درپیش سب سے نمایاں چیلنجز پر تبادلہ خیال کیا جائے، اور ان کا مقابلہ کرنے اور ان پر قابو پانے کے لیے وزن اور حل تلاش کیا جائے۔  اور کہا کہ امید ہے کہ اس ملاقات کے نتیجے میں ازہر شریف اور ترکی کے درمیان بہت سے مشترکہ دعوتی اور تعلیمی منصوبوں اور اقدامات کا آغاز ہو گا۔ جس کی نمائندگی وزارت مذہبی امور کرے گی۔

جناب صالح موتلوشن نے ترکی کے شہریوں کو دیے جانے والے وظائف میں اضافے کے لیے الازہر کی تیاری کا خیرمقدم کیا، اور کہا کہ یہ فیصلہ ترکی کی جانب سے الازہر میں تعلیم حاصل کرنے کے لیے آنے والے ترک طلبہ کی تعداد میں اضافے کی خواہش کے مطابق آیا ہے۔ اور ترکی کی وزارت مذہبی امور اور اوقاف نے ان طلباء کے لیے مستقل رہائش گاہیں بنانے کی کوشش کر رہی ہے  تاکہ یہ یقینی بنایا جا سکے کہ وہ اپنے آپ کو علوم کے حصول کے لیے وقف کریں اور انہیں تفوق  اور محنت کے لیے مناسب ماحول فراہم کیا جائے۔ 

ترکی کے سفیر نے مذہبی امور کے ترک وزیر جناب علی ارباش کا تہنیتی پیغام پہنچایا اور جلد از جلد ان کے امام اکبر کی زیارت کی خواہش کا اظہار کیا۔ چنانچہ شیخ الازہر نے اس دورے اور دعوت اور تعلیم کے شعبوں میں ترکی کی وزارتوں اور اداروں کے ساتھ تعلقات کو مضبوط کرنے پر خیرمقدم کا اظہار کیا۔