وزیر خارجہ نے شیخ الازہر سے کہا: بیرون ملک ہمارے سفارت خانے الازہر کی خدمت اور اس کے پیغام کو پھیلانے کے لیے وقف ہیں۔

وزیر خارجہ نے شیخ الازہر سے کہا: آپ کے غیر ملکی دورے عالمی سطح پر الازہر کے مقام کی باوقار تصویر کی عکاسی کرتے ہیں۔

مصری وزیر خارجہ نے کہا: الازہر اسلام کی رواداری، اعتدال اور وسطیت کا چہرہ ہے۔

شیخ الازہر نے اپنے عظیم الشان جنوب مشرقی ایشیا کے دورے میں مصری وزارت خارجہ کی کوششوں کو سراہا۔

عزت مآب امام اکبر پروفیسر ڈاکٹر احمد طیب شیخ الازہر شریف  نے جناب وزیر بدر عبدالعاطی، وزیر خارجہ امور، امیگریشن اور مصریوں کے بیرون ملک امور سے شیخ الازہر کے جنوب مشرقی ایشیا کے دورے کے نتائج پر مبارکباد وصول کرنے کے لیے ملاقات کی۔

ملاقات کے دوران مصری وزیر خارجہ نے شیخ الازہر کو جنوب مشرقی ایشیا کے ممالک اور متحدہ عرب امارات کے دورے سے حاصل ہونے والی شاندار کامیابیوں پر دلی مبارکباد پیش کی۔ اور امام اکبر کے غیر ملکی دوروں کی اہمیت کی طرف اشارہ کیا؛ جو دنیا میں الازہر کے مقام اور اس کے سب سے بڑے امام کی ممتاز اور محترم تصویر کی عکاسی کرتے ہیں اور جس پر ہمیں فخر ہے، اور ان دوروں کو تیز کرنے کی ضرورت پر زور دیا؛ کیونکہ یہ مصری ریاست کی نرم طاقت کی نمائندگی کرتے ہیں، اور اس بات کی صراحت کی کہ الازہر بیرون ملک مصری قوت کا حقیقی نمائندہ ہے۔ الازہر کی تاریخ کو پوری دنیا جانتی ہے اور اس کے مواقف کی قدر کرتی ہے، جس کی خصوصیات اعتدال، رواداری، بقائے باہمی اور ایجنڈوں اور نظریات سے دوری ہے۔ اسی لیے دنیا کے مختلف ممالک کی طرف سے اس کی بہت تعریف اور خیرمقدم کیا جاتا ہے، کیونکہ الازہر اسلام کی رواداری، اعتدال اور وسطیت کا چہرہ ہے۔"

 

امور خارجہ کے وزیر نے مختلف مسائل پر عالمی سطح پر الازہر کی آواز کو اجاگر کرنے کی وزارت کی کوششوں کی توثیق کی، خاص طور پر مغربی معاشروں میں جہاں بین المذاہب مکالمہ، معاشرے میں خواتین کا کردار، اور انتہا پسندی اور تشدد ایک بڑا چیلنج ہے۔  اور  وزارت کا ان اہم شعبوں میں مصر کے کردار کو ظاہر کرنے کے لیے مرصد الازہر کی طرف سے جاری کردہ رپورٹس پر انحصار کرتی ہے نیز الازہر کے امام اکبر اور تقدس مآب پوپ فرانسس کی طرف سے سب کے درمیان بقائے باہمی اور احترام کی اقدار کو پھیلانے کے لیے "انسانی برادری" دستاویز کی اہمیت کی طرف بھی اشاوہ کیا۔ اور اس بات پر زور دیا کہ بیرون ملک مصر کے سفارت خانے الازہر کی خدمت اور اس کا پیغام پوری دنیا تک پہنچانے کے لیے وقف ہیں۔

اپنی طرف سے، الازہر کے شیخ نے الازہر الشریف میں وزیر خارجہ کا خیرمقدم کیا اور انہیں مصر کی وزارت خارجہ اور امیگریشن کا عہدہ سنبھالنے کے موقع پر مبارکباد دی۔ اور الازہر اور وزارت کے درمیان جاری تعاون اور ہم آہنگی اور ان کے جنوب مشرقی ایشیا کے دورے کے دوران وزارت کی طرف سے کی جانے والی عظیم کوششوں کی تعریف کی۔ یہ مصری سفارت کاری کے لیے کوئی نئی بات نہیں ہے، جو الازہر کی بہت قدر کرتی ہے۔ اور آج  بھی یاد ہے کہ محترم وزیر خارجہ نے ایک اہم دورے کا اہتمام کیا تھا جب وہ جرمنی میں مصر کے سفیر تھے۔ اور اس دورے کا اسلام کے بارے میں غلط فہمیوں کو دور کرنے میں کتنا اثر پڑا تھا۔

امام اکبر نے " اسلام کا تعارف " منصوبے کا حوالہ دیا جسے الازہر اس وقت ڈیزائن کر رہا ہے، اس بات کی طرف اشارہ کرتے ہوئے کہا کہ اس کے کچھ عنوانات کا مقصد دنیا کے مختلف ممالک کے سفارت کاروں میں اسلام کے مواد، اس کے اعتدال اور اس کے رواداری کے پیغام کے بارے میں تاثر پیدا کرنا ہے۔ جو اسلام اور مسلمانوں کے خلاف بڑھتی ہوئی دشمنی کے رجحان کا مقابلہ کرنے میں معاون ہے، اور پردے کو ہٹاتا ہے تاکہ اس کے اجزاء اور اصولوں کی نشاندہی کی جائے جو رواداری، بقائے باہمی اور مکالمے کی طرف بلاتے  ہیں۔