جمعرات، 19 فروری کی شام، جامعہ الازہر کے شیخ، گرینڈ امام ڈاکٹر احمد طیب، قاہرہ سے سعودی عرب کے لیے "دہشت گردی کی مزاحمت کی  عالمی اسلامی کانفرنس" میں شرکت کے لیے روانہ ہوئے۔ جس کا اہتمام مسلم ورلڈ لیگ نے کیا تھا، اور اتوار کو یہ کانفرنس ہوئی۔

تین روزہ کانفرنس میں دہشت گردی کے المیے سے متعلق چھ محوروں پر تبادلہ خیال ہوا، جس کا آغاز اس کے تصور اور اس کے مذہبی، سماجی اور اقتصادی اسباب سے ہوا، نیز اس کے تعلیمی، ثقافتی اور میڈیائی  اسباب سے گزر کر دہشت گردی، علاقائی اور عالمی مفادات، اور اسلامی معاشروں پر اس کے اثرات پر اختتام پذیر ہوئی۔ کانفرنس میں کئی ورکشاپس کا انعقاد بھی دیکھنے میں آیا، جو شریعت کے نفاذ ، حکیمانہ اسلامی حکومت، عصری اسلامی وژن میں ریاست، اور اسلامی شریعت  میں جہاد کے مفہوم سے متعلق تھیں۔