یہ (تنظیم) 2007 میں ازہر شریف کی سافٹ پاور کو فعّال کرنے کے مقصد سے قائم کی گئی تھی جس کی نمائندگی  دنیا بھر       ميں پھيلے  ہوئے اس کے فارغ التحصیل  طلباء کرتے ہیں ۔  (اس تنظیم کا مقصد) ان (فارغ التحصیل  طلباء) کے ساتھ اس انداز سے رابطہ رکھنا  کہ ازہر  کی  آواز دنیا کے تمام حصوں میں  سنائی دے۔

وطن  کے دو بازوؤں (مسلمانوں اور عیسائیوں) کے درمیان تاریخی رشتے کی مضبوطی کا احساس کرتے ہوئے، اور اس تعلق سے چھیڑ چھاڑ کی کسی بھی کوشش اور اس کے نتیجے میں ملک کے استحکام کو نقصان پہنچانے کی کوششوں کو روکنے کے لیے 2011 میں  تقدس مآب پوپ شنودہ سوئم ، پوپ اسکندریہ ، سینٹ مارک کے کوچ کر جانے  والے سرپرست کے تعاون سے  " مصری فیملی ہاؤس" کے نام سے ایک آزاد قومی ادارہ قائم کیا گیا تھا۔ 

زکوٰۃ ہاؤس کا   قیام  زکوٰۃ فنڈز کو شرعی طور پر مقررہ مقاصد میں تقسیم کرنے  اور معاشرے کے افراد میں یکجہتی اور ہمدردی کا جذبہ پیدا کرنے  کے لیے عمل میں لایا گیا ہے ۔

یہ ایک خود مختار بین الاقوامی ادارہ ہے جس کا مقصد مسلم معاشروں میں امن کو فروغ دینا، اور بات چیت، رواداری اور دوسرے کے احترام کی اقدار کو مستحکم کرنا، اور مشرق و مغرب کے مکالمے کے ذریعے خود مسلمانوں کے درمیان اور ان کے اور دوسروں کے درمیان تصادم اور تقسیم کے عوامل سے بچنا ہے ۔ 

یہ کمیٹی  2014میں قائم کی گئی، تاکہ اسلامی شریعت کے مقاصد کی تکمیل کرتے ہوئے امن واستقرار کو برقرار رکھا جا سکے اور انسانی جان کو محفوظ بنایا جا سکے۔ ۔ کمیٹی مصر کے اندر اور باہر کئی مفاہمتیں مکمل کرنے میں کامیاب ہو چکی ہے۔

آبزرویٹری دہشت گردی اور انتہا پسندی سے نمٹنے میں موثر عالمی کردار ادا کر رہا ہے۔ یہ دہشت گرد تنظیموں کی جانب سے انٹرنیٹ اور سوشل میڈیا  پر بارہ متداول زبانوں میں نشریات کی نگرانی کرتا ہے۔ اور ان کو انہی زبانوں میں جواب دیتا ہے ، اس طرح دنیا کے مختلف ممالک میں مسلمان نوجوانوں کو ان کے تباہ کن افکار سے بچاتا ہے، اور ان (تنظیموں) کی زہریلی دعوت کو قبول   کرنے سے  ان کو محفوظ کرتا ہے۔

اس مرکز کا مقصد اسلامی علوم کے میدان میں تحقیق، مطالعات اور فکری سرگرمیوں کو آگے بڑھانا ہے جو ازہری فکر اور منہج کو پھیلانے کا کام کرتا ہے جو اسلام کے اعتدال اور رواداری کا اظہار کرتا ہے۔ 

مرکز یونیورسٹی سے پہلے کی تعلیم میں غیر ملکی طلباء سے متعلق ہر چیز میں مہارت رکھتا ہے، پالیسیاں، منصوبے، اور ترقیاتی پروگرام تجویز کرتا ہے، اور تمام متعلقہ فریقوں کے ساتھ ان کے نفاذ کی پیروی کرتا ہے۔

اکیڈمی کا قیام مذہبی فکر کی تجدید، دعوتی گفتگو میں گہرائی، اور مبلغین اور مفتیوں کو ازہر کے راسخ منہج کے اصولوں کے مطابق ایسی مہارتیں فراہم کرنے کے لیے کیا گیا تھا جو انہیں انتہا پسندانہ خیالات کا مقابلہ کرنے،  بقائے باہمی، مکالمہ اور دوسروں کو قبول کرنے کی اقدار کو مستحکم کرنے میں مدد فراہم کرے ۔ 

کمیٹی انسانی اخوت سے متعلق دستاویز میں درج اہداف اور مقاصد کے لیے ایک ایگزیکٹو فریم ورک ترتیب دے کر "انسانی اخوت سے متعلق دستاویز" کے ان اہداف کو حاصل کرنے کی کوشش کرتی ہے  جن پر 4 فروری 2019 کو ابوظہبی میں عزت مآب  امام اکبر پروفیسر ڈاکٹر احمد اطیب شیخ الازہر اور کیتھولک چرچ کے پوپ، پوپ فرانسس نے دستخط کیے تھے۔

یہ  ازہر شریف میں سینئر اسکالرز کونسل ایک اعلیٰ ترین علمی اتھارٹی ہے جو ازہر میں چوٹی کے کے علماء کی نمائندگی کرتی ہے۔ یہ چار مختلف مکاتب فقہ کی نمائندگی کرنے والے ازہر کے سینئر علماء ہوتے ہیں جن کی تعداد  چالیس سے زیادہ نہیں ہوتی۔

اس مرکز کا مقصد شرعی فلکیات میں مطالعہ اور علمی مشورہ فراہم کرنا ہے۔ فلکیات سے متعلق فلکیاتی ورثے کا خیال رکھنا تاکہ اصل کو عصر حاضر سے جوڑا جا سکے۔ شرعی فلکیات کے عصری مسائل کو حل کرنے میں ماہرین فلکیات اورعلماء  شریعت کی کوششوں کو یکجا کرنا  اور علم نجوم کی صنعت ،بروجوں   کا اعتقاد   اورفکری انتہا پسندی کا مقابلہ کرناہے ۔

اس کا مقصد ازہر شریف میں داخلہ لینے والے بین الاقوامی طلباء کو قرآن کریم اور اس کے علوم کی تدریس، ان کو تجوید اور تلاوت کے احکام کی تعلیم دینا، اور قرآن کی کریم کی آیات کے درست تلفظ کو منضبط کرنے اور سیکھنے میں ان کی مدد کرنا ہے۔

اس مرکز کا مقصد غیر ملکی زبانوں میں ایسے تصانیف، تحقیقات  اور مطالعات کا ترجمہ کرنا ہے جو مصلحت عامہ کو حاصل کرنے والے ہوں ۔

چند سال قبل عزت مآب  امام اکبر پروفیسر ڈاکٹر احمد اطیب شیخ الازہر کے اقدام پر  جامع ازہر کے علمی  ہالز، (جہاں مختلف علوم  پڑھائے جاتے ہیں )  کا احیاء عمل میں لایا گیا۔  تاکہ یہ  ازہر کے معتدل اور منظم منہج کے مطابق  تمام عمر کے تمام طلباء کے لیے اسلامی اور عربی علوم کی تشریح  کرنے اور اس میں سہولت فراہم کرنے میں اپنے تاریخی کردار کو بروئے کار لائیں۔

اس دفتر کا مقصد اسلامی ورثے کی بالعموم اور ازہری ورثے کی بالخصوص دیکھ بھال اور اس کے احیاء کا اہتمام کرنا ہے  کیونکہ  ورثہ قوم کی تہذیب کا مخزن اور اس کی شناخت کا عنوان ہوتا ہے اور اس کی دیکھ بھال کرنا اور اس کے احیاء پر توجہ دینا  اس کے اس معنوى وجود کی حفاظت ہوتی ہے  جس پر وہ اپنی شان و شوکت کو زندہ کرنے اور اپنی قیادت کو بحال کرنے میں انحصار کرتا ہے۔