عزت مآب امام الاکبر، پروفیسر ڈاکٹر احمد طیب، شیخ الازہر شریف نے نائجیریا کے مفتی شیخ ابراہیم صالح الحسینی کا استقبال کیا۔ امام الاکبر  نے کہا کہ مغربی افریقی خطہ اسلام کی خدمت اور اسلامی ورثے کے تحفظ کی ایک طویل تاریخ رکھتا ہے۔ اس کے علماء نے اسلامی تہذیب میں اہم کردار ادا کیا ہے۔ انہوں نے مزید کہا کہ اعتدال پسند اسلامی نقطہ نظر نے پوری تاریخ میں اس خطے کی سماجی اور ثقافتی ترقی میں اہم کردار ادا کیا ہے۔ امام الاکبر  نے واضح کیا کہ الازہر شریف انتہا پسندی اور دہشت گردی کا مقابلہ کرنے اور افریقی معاشروں میں سرایت کر جانے  والے منحرف نظریات کا مقابلہ کرنے کے لیے بھرپور کوششیں کر رہا ہے۔ انہوں نے زور دے کر کہا کہ الازہر اپنے معاشروں میں اعتدال اور وسطیت  کو پھیلانے کے لیے اپنے افریقی گریجویٹس پر اعتماد کر رہا ہے۔ اپنی طرف سے، شیخ ابراہیم الحسینی نے نائیجیریا کے فخر اور الازہر کے نقطہ نظر پر قائم رہنے کی تصدیق کی۔ اور واضح کیا  کہ یہی نقطہ نظر تھا جس نے نائیجیریا اور تمام افریقی ممالک جو اپنے تنوع اور ثقافتی ثروت  کے لیے مشہور ہیں میں بقائے باہمی اور سماجی ہم آہنگی کو محفوظ رکھا۔ نائجیریا کے مفتی اعظم نے علمی  اور دعوت کے مختلف شعبوں میں الازہر کی حمایت کے لیے اپنے ملک کی زبردست تعریف کی۔ اس بات کا ذکر کرتے ہوئے کہ افریقہ میں الازہر کی مختلف کوششیں متشدد اور دہشت گرد گروہوں کے خلاف جنگ میں بھرپور کردار ادا کرتی ہیں۔ اور براعظم کے لوگوں کے لیے استحکام اور سماجی تحفظ کے فروغ کی حمایت کرتی ہیں۔