گرینڈ امام شیخ الازہر پروفیسر احمد الطیب نے شمالی عراق میں کردستان کے علاقے میں اوقاف اور مذہبی امور کے وزیر جناب پشتیوان صادق عبداللہ کی سربراہی میں ایک وفد سے ملاقات کی ۔ گرینڈ امام نے فرمایا: الازہر عرب اور اسلامی دنیا کے تمام لوگوں کو سائنسی اور ثقافتی مدد فراہم کرنے، قوم کے درمیان اتحاد اور بھائی چارے کے ستونوں کو مضبوط کرنے اور عرب اور اسلامی عوام کو درپیش چیلنجوں اور خطرات کا مقابلہ کرنے میں دیر نہیں کرتا۔ اور یہ کہ الازہر علمی  اور فکری مدد فراہم کرنے اور عراق اور تمام ممالک کے طلباء اور اماموں کے خیر مقدم  کرنے کے لیے ہمیشہ تیار ہے۔ ;تاکہ ان کی تربیت اعتدال پسند ازہری فکر اور طریقہ کار پر کی جائے جو معاشروں کے اتحاد اور استحکام کا باعث ہو، قوموں کے تشخص کو محفوظ رکھتا ہو اور حقیقی شریعت کے احکام کو محفوظ رکھتا ہو۔ دوسرى جانب، کردستان ریجن کے اوقاف کے وزیر نے الازہر پر خطے اور اس کے عوام کے فخر اور اس کی کوششوں اور علاقے کے لوگوں کے لیے علمی  اور فکری مدد پر شکریہ کا اظہار  کیا، خاص طور پر کہ الازہر کردستان کے علاقے کے لیے سالانہ 25 اسکالرشپ مختص کرتا ہے۔ اور ریجن  کے طلباء کو الازہر کے مختلف کالجوں میں خیرمقدم کرتا ہے ، اور ہمارے پاس اربیل میں ایک ازہری انسٹی ٹیوٹ ہے، اور اربیل الازہری انسٹی ٹیوٹ اور کردستان میں الازہر گریجویٹس اس باوقار ادارے سے تعلق رکھنے پر فخر محسوس کرتے ہیں۔ وزیر اوقاف نے کردستان کی طرف سے گرینڈ امام کو صوبے کا دورہ کرنے کا باضابطہ دعوت نامہ پیش کیا، اور وفد نے گرینڈ امام کو یادگاری شیلڈ، قدیم اربیل قلعہ کی تصویر پر مشتمل ایک یادگاری پینٹنگ ، اور کتابوں کا ایک سیٹ بھی پیش کیا،۔ ان میں سے ایک کتاب وہ بھی ہے جس میں  رواداری، مکالمے اور تنوع پر شیخ الازہر کے الفاظ کو جمع کیا گیا ہے۔