گرینڈ امام شیخ الازہر پروفیسر ڈاکٹر احمد الطیب نے آج کے صبح منگل کو صومالیہ وزیر خارجہ جناب محمد عبدالرزاق محمود سے مشیخہ الازہر میں  ملاقات کی ۔ گرینڈ امام نے کہا: الازہر ریاست صومالیہ کو ہر طرح کی مدد فراہم کرنے کا خواہاں ہے کیونکہ اس برادر ملک کی عرب دنیا اور افریقہ میں بڑی اہمیت ہے۔ انہوں نے اس بات پر زور دیا کہ الازہر صومالی وزیر اوقاف کے ساتھ ایک معاہدہ طے پانے کے بعد صومالی اماموں کی تربیت اور بحالی کے عمل میں ہے،؛  ان کی کارکردگی کو بہتر بنانے اور انہیں صومالی عوام میں اعتدال پسند سوچ پھیلانے کے لیے اہل بنانا، اور انتہا پسندی کا مقابلہ کرنے جس سے بہت سے افریقی ممالک کی سلامتی اور استحکام کو ہمیشہ خطرہ رہا ہے۔ گرینڈ امام نے وضاحت کی کہ الازہر نے حال ہی میں غیر ملکی طلباء کے لیے پریکٹیکل کالجوں جیسے میڈیسن، انجینئرنگ اور دیگر میں داخلہ لینے کے لیے اپنے دروازے کھول دیے ہیں، جب کہ اس سے پہلے ان کی تعلیم صرف شرعی کالجوں تک محدود تھی، تاکہ وہ اپنے ملک کی ترقی میں اپنا حصہ ڈال سکیں۔ انہوں نے مزید کہا کہ الازہر یونیورسٹی 873 صومالی طلباء تعلیم حاصل کررہے ہیں  ہے، اور ہم امید کرتے ہیں کہ وہ ایک حقیقی علمی  ترقی اور صومالیہ میں سلامتی اور امن لانے میں اپنا حصہ ڈالیں گے۔

دوسری جانب، صومالی وزیر خارجہ نے کہا: الازہر کا  تمام صومالیوں کے نزدیک بہت اعلی  مقام حاصل ہے، انہوں  نے صومالیہ کو آزمائش سے نکلنے کے لیے فراہم کی جانے والی حمایت کے لیے اپنے ملک کی جانب سے الازہر الشریف کا تہہ دل سے شکریہ ادا کیا۔ انہوں نے اس سلسلے میں اپنے شاندار تجربے کے پیش نظر، انتہا پسندی سے نمٹنے میں الازہر کے کردار کی اہمیت پر زور دیا۔