شیخ الازہر ڈاکٹر احمد الطیب کو موسمیاتی تبدیلی سے متعلق مذہبی رہنماؤں کے سربراہی اجلاس میں شرکت کی سرکاری دعوت موصول ہوئی ہے، جو برطانوی حکومت کی جانب سے اکتوبر کے پہلے ہفتے میں اطالوی دارالحکومت روم میں دنیا کے مختلف ممالک کے نامور مذہبی شخصیات، سیاسی و مذہبی رہنماؤں کی موجودگی میں منعقد کی جارہی ہے ،

گرینڈ امام شیخ الازہر پروفیسر ڈاکٹر احمد الطیب نے مصر میں برطانوی سفیر سر جیفری ایڈم کا استقبال کرتے ہوئے کہا ہے کہ مذاہب کائنات اور ماحولیات کے تحفظ کی طرف بلاتے ہیں ، اور قرآن مجید ایسی آیات سے بھرا ہوا ہے جو اس بات کی تصدیق کرتے ہے کہ تمام کائنات خواہ وہ انسان، حیونات ،نباتات،  یا جمادات  ہو وہ اللہ کی تعریف و تسبیح کرتے ہیں خداتعالیٰ کے اس قول کا حوالہ دیتے ہوئے ، "اور یہ کہ کوئی بھی چیز ایسی نہیں جو اس کی تسبیح نہیں کرتی ہے ، لیکن آپ ان کی تسبیح کو نہیں سمجھتے ہیں۔" اس سے اس بات کی تصدیق ہوتی ہے کہ کائنات کی ہر چیز کے مخصوص حقوق ہیں جن کا احترام کیا جانا چاہئے۔

الازہر کے شیخ نے زور دے کر کہا کہ ہمارے پاس ان حقوق سے نمٹنے کے لئے اسلامی فقہ موجود ہے، اور جب ہمارے نبی کریم صلی اللہ علیہ وسلم  جب بھی کوئی لشکر بھیجتے  تو وہ لشکر کو نصیحت کرتے کہ  جب تک کھانے کی نوبت نہ آئے تو دشمن کے لشکر میں کسی جانور کو مت ماریں اور  نہ ہی کسی کھجور کے درخت کو جلائیں  اور مکھیوں کو بھگائیں ، اس بات کی نشاندہی کرتے ہوئے کہ نبی کریم صلی اللہ علیہ وسلم ، مختلف صورتوں میں پودوں ، جانوروں اور بے جان اشیاء کے حقوق کے تحفظ کی ضرورت کو واضح کرتے رہتے تھے جو مخلوق کی حفاظت اور ماحولیاتی تحفظ کے بارے میں اسلام کی واضح رائے  کی نشاندہی کرتے ہیں۔

شیخ الازہر نے برطانوی حکومت کی جانب سے مذہبی رہنماؤں کو موسمیاتی تبدیلی پر تبادلہ خیال اور مباحثے کی دعوت کا خیرمقدم کیا ، اس بات پر زور دیا کہ یہ قدم بہت اہم ہے ، اور یہ کہ ایسے بہت سے  مذہبی رہنما موجود ہیں جنھوں نے  ماحولیات کی حفاظت کی ضرورت کے بارے اور اس سلسلے میں مذاہب کا موقف  کے بارے میں بہت ساری باتیں کی ہیں۔، اس مقام کی نشاندہی کرتے ہوئے کہ یہ ایک واضح پالیسی ہے، اورکسی قسم کی تأویل کو قبول نہیں کرتا ہے۔ ماحول کی حفاظت اور اس سلسلے میں شعور اجاگر کرنے کی ضرورت ہے ، اس بات پر زور دیتے ہوئے کہ دنیا کو ہمیشہ اس مسئلے کی یاد دلانی چاہئے ، اور وہاں ایک اعلی دست و طاقت ہونا چاہئے جو ماحولیاتی تحفظ کے کام پر مبنی سیاسی حساب کتاب یا معاشی مفادات سے مشروط نہ ہو ، اور مطالعہ اور تحقیق کرکے آب و ہوا میں ہونے والی تبدیلیوں کا سراغ لگانا اور اس کا  مناسب حل تلاش کرنا چاہئے۔

گرینڈ امام نے  الازہر اور برٹش کونسل کے درمیان تعاون کی بھی تعریف کی اور اس تعاون کو نتیجہ خیز قرار  دیا انہوں نے اس بات پر زور دیا کہ اس تعاون کے نتیجے میں پیدا ہونے والے علمی  کیڈرز سے مستفید ہونے کے لیے کام کرنا ضروری ہے، اور وہ الازہر کے ماہرین تعلیم کی ایک نئی نسل ہیں جنہوں نے اپنی بنیادی تعلیم الازہر کے اداروں اور عظیم  الازہر کی راہداریوں(رواق الازہر ) میں حاصل کی۔، اور پھر اس کے مختلف شعبوں میں مغربی علمی  نصاب اور ان علوم  کے نظریات کا ایک بڑا حصہ حاصل کرنے کے لیے برطانوی یونیورسٹیوں میں شمولیت اختیار کی۔

گرینڈ امام نے بھی اس بات پر زور دیا کہ مستقبل قریب میں کمیونٹی لیڈر بننے کے لیے ان کیڈرز کو اہل بنانے میں ہم سب کی مشترکہ ذمہ داری ہے۔ دوسری جانب، مصر میں برطانیہ کے سفیر، سر جیفری آڈمز نے کہا: مجھے آج گرینڈ امام، ڈاکٹر احمد الطیب سے مل کر  بہت خوشی ہوئی، جس ملاقات میں ماحولیات اور تعلیم کے میدان میں الازہر کے ساتھ برطانیہ کے تعاون پر تبادلہ خیال کیا گیا۔ چونکہ موسمیاتی تبدیلی ایک ایسا مسئلہ ہے چاہے ہم سیاست دان ہوں، مذہبی رہنما ہوں یا شہری، ہم سب کے لیے تشویش کا باعث ہے، ہم تمام تنظیموں کی حوصلہ افزائی کرتے ہیں کہ وہ اپنا کردار ادا کریں، اور ہم اس عالمی چیلنج سے آگاہی کے لیے مذاہب کی کوششوں کو بڑھانے اور تعاون کے طریقوں کی نشاندہی کرنے کے لیے الازہر کے ساتھ مل کر کام کرنے کے خواہشمند ہیں۔ سفیر نے مزید کہا : 'ہم نے تعلیم میں ایسے مشترکہ منصوبوں پر تبادلہ خیال کیا، جن میں  برطانیہ  تعلیم حاصل کرنے کے خواہشمندوں کو اسکالرشپ پیش کرتا ہے، اور ہم مختلف مذاہب اور ثقافتوں کے درمیان تعلقات کو مضبوط بنانے کے لیے الازہر کی اس کی خواہشات کی حمایت کرتے ہیں؛  اس سے ایک محفوظ، زیادہ خوشحال اور روادار معاشرے کی تعمیر میں مدد ملتی ہے۔