گرینڈ امام ، شیخ الازہر پروفیسر ڈاکٹر احمد الطیب نے  آج بروز بدھ مشیخہ الازہر  کے صدر دفتر  میں علمی  اور ثقافتی تعاون کے طریقوں اور طلباء اور پروفیسروں کے تبادلے پر تبادلہ خیال کرنے کے لیے یونیورسٹی آف لیون کے  ایک وفد اور فرانسیسی سفارتخانے کے حکام، جس کی سربراہی یونیورسٹی آف لیون کے بین الاقوامی تعلقات کے نائب صدر پروفیسر جم والکر کر رہے تھے، سے ملاقات کی، گرینڈ امام نے فرانسیسی وفد کا الازہر، اس کے علماء اور طلباء کی جانب سے خیرمقدم کیا  ، تعلیمی اور ثقافتی پہلوؤں پر توجہ مرکوز کرنے والے ایسے دوروں میں اپنی دلچسپی کا اظہار کرتے ہوئے، اس حقیقت کے پیش نظر کہ یونیورسٹیوں کے درمیان علمی  اور ثقافتی تعاون لوگوں اور ثقافتوں کو اکٹھا کرتا ہے، یہ ایک دوسرے کو جاننے، امن قائم کرنے اور بات چیت اور بقائے باہمی کی اقدار کو قائم کرنے اور مختلف مذاہب، عقائد اور ثقافتوں کی صحیح تصویر کو سمجھنے کا سب سے آسان اور بہترین طریقہ ہے۔۔ اور یہ کہ الازہر ان اصولوں کو اپنے معتدل نصاب کے ذریعے راسخ  کرتا ہے، اور اگر اس معتدل منھج   کی سلامتی  اور پاکیزگی نہ ہوتی تو  الازہر ہزار سال سے زیادہ اور اتنی طاقت کے ساتھ زندہ کبھی بھی نہیں رہ سکتا تھا، اور یہ وہ جگہ ہے جہاں ہر جگہ کے لوگوں کے لیے حقیقی اسلام کا بول بالا کیا جاتا  ہے۔ شیخ الازہر نے الازہر میں غیر ملکی زبانیں پڑھانے میں اپنی دلچسپی کا اعادہ کیا اور کہا کہ یہ معاملہ اس وقت سے میرے ذہن میں تھا جب میں  طالب علم تھا  یہاں تک کہ میں  2003ء میں یونیورسٹی کا  صدر بن گیا اور انہوں نے دیکھا کہ ان کے پروفیسرز الازہر میں اپنی تعلیم کے علاوہ یورپی یونیورسٹیوں سے ڈگریاں حاصل کیں اور اس کا علمی  اور ثقافتی طور پر اس کے اثرات تحریک فکر، تصنیف اور تراجم پر پڑے  اور یہ کہ الازہر کے پاس فرانسیسی زبان سکھانے کا ایک مرکز ہے تاکہ عرب اور شریعہ کالج کے طلباء کو فرانسیسی یونیورسٹیوں میں اپنا سائنسی کیریئر مکمل کرنے کے لیے اہل بنایا جا سکے، اور اس سلسلے میں قاہرہ میں فرانسیسی ثقافتی مرکز کے ساتھ مستقل اور موثر تعاون بھی جاری  ہے۔   دوسرے جانب ، لیون یونیورسٹی کے وفد نے الازہر کا دورہ کرنے اور گرینڈ امام سے ملاقات کرنے پر خوشی کا اظہار کیا، اور مشیخہ  الازہر کے فن تعمیر کی خوبصورتی کے ساتھ ساتھ ان کے  پرتپاک استقبال  کی تعریف کی، جو اس ادارے کی عظمت کی عکاسی کرتا ہے۔ اور یہ کہ یہ پہلا موقع ہے کہ لیون یونیورسٹی اور فرانسیسی سفارت خانے کے ماہرین کی اتنی بڑی تعداد نے شرکت کی، اس دورے کی اہمیت پر یقین رکھتے ہوئے جو  باوقار جامعہ الازہر کے ساتھ ، لسانیات، اسلامی علوم اور اطلاقی علوم کے مختلف شعبوں میں تعاون کے نئے افق کھولنے کی نمائندگی کرتا ہے۔۔ فرانسیسی وفد کے سربراہ نے جامعہ لیون کی الازہر فاؤنڈیشن کے حجم  کے مضبوط شراکت داروں کے ساتھ کام کرنے میں دلچسپی پر زور دیا، تاکہ مشترکہ علمی شعبوں میں تعاون کیا جا سکے، جیسے کہ طلباء اور پروفیسرز کی سطح پر دوروں اور علمی مشنوں کا تبادلہ، فرانسیسی اور عربی سکھانا اور سیکھنا، اور فرانسیسی زبان کے اساتذہ کی تربیت، اور یہ کہ زبانیں سیکھنا بین الاقوامی تعلقات کا ایک لازمی حصہ ہے،، اور زبانوں پر عبور حاصل کیے بغیر اور دوسری زبانوں کو جاننے کے بغیر تعلقات بہتر یا قائم نہیں رہتے۔

  ملاقات کے اختتام پر، دونوں فریقین نے علمی اور ثقافتی تعاون، طلباء اور پروفیسروں کی سطح پر دوروں اور علمی مشنوں کے تبادلے اور اس معاہدے اور مشترکہ تعاون کو فعال کرنے میں آگے بڑھنے کے لیے رابطہ کاری شروع کرنے کے لیے دونوں فریقوں سے نمائندوں کا انتخاب کرنے پر اتفاق کیا۔ اور یہ کہ الازہر اور لیون یونیورسٹیوں کے درمیان تعلقات کو بڑھانے کے لیے تعاون کے بہت سے شعبے ہیں، جو کہ صرف زبانیں سیکھنے تک محدود نہ ہوں   بلکہ دیگر شعبوں جیسے کہ تاریخ، تہذیب، جغرافیہ، مصریات، طب اور اسلامک اسٹڈیز کے شعبوں تک توسیع کرنی چاہیے ۔ شیخ الازہر نے فرانسیسی آئمہ کو اسلام کی صحیح تصویر پیش کرنے، انتہا پسندانہ نظریات کا مقابلہ کرنے اور اس اہم پروگرام سے فائدہ اٹھانے کے لیے الازہر کی تیاری کا اظہار کیا جس سے دنیا کے بہت سے ممالک مستفید ہوئے ہیں۔ یہ بات قابل ذکر ہے کہ اس ملاقات میں مارسیلےاور جنوبی فرانس میں مصر کے نئے قونصل جنرل، سفيره هايدي سري، مصر میں فرانس کے قائم مقام سفیر مسٹر فرانکوئس ڈوپاک، سنٹر فار فرانسیسی لینگویج اسٹڈیز کے ڈائریکٹر پروفیسر فریڈرک وایلیٹ ، عربی زبان اور سیاسیات کے پروفیسر، اپلائیڈ لینگوئجسٹکس ریسرچ سینٹر کے ممبر اور پارٹنرشپ پروجیکٹ کے کوآرڈینیٹر، پروفیسر سٹیفن والٹر، لیون یونیورسٹی کے لسانیات کے پروفیسرز اور مصر میں فرانسیسی انسٹی ٹیوٹ کے حکام نے شرکت کی ۔