امام اکبر شیخ الازہر پروفیسر احمد الطیب نے قاہرہ میں موریطانیہ کے سفیر سیدی محمد عبداللہ کا استقبال کیا اور ان کے ساتھ علمی اور تبلیغِ دعوت کے شعبوں میں تعاون بڑھانے کے طریقوں پر تبادلہ خیال کیا۔ امام اکبر نے نشاندہی کی کہ الازہر موریطانیہ میں علمی اور تبلیغِ دعوت کے ساتھ تعاون کو فروغ دینے اور موریطانیہ میں الازہر اور مذہبی اور تعلیمی اداروں کے درمیان 2018 میں موریطانیہ کے دورے کے دوران طے پائے جانے والے معاہدوں کو نافذ کرنے کا خواہاں ہے۔ انہوں نے موریطانیہ کے طلباء کو الازہر یونیورسٹی میں تعلیمی  اسکالرشپس کی تعداد میں اضافے کے لیے الازہر کی تیاری کا بھی ذکر کیا۔

اپنی طرف سے، موریطانیہ کے سفیر نے   امام اکبر کو عید میلاد النبی کے موقع پر تہنیت  دی، اور اپنے وطن کی طرف سے الازہر  اور   امام اکبر اور اسلام کی صحیح تصویر اور اعتدال پسند منہج کو پیش کرنے والی تقاریر اور اسلام مخالف مہمات کا مقابلہ کرنے میں ان کی کوششوں کو خراج تحسین پیش کیا ۔

انہوں نے الازہر الشریف کے ساتھ تعاون کو مضبوط بنانے اور موریطانیہ کے طلباء کو الازہر یونیورسٹی میں تعلیم حاصل کرنے کے لیے تفویض کردہ وظائف کی تعداد میں اضافے کے لیے اپنے ملک کی خواہش کی تاکید کی۔