گرینڈ امام شیخ الازہر پروفیسر ڈاکٹر احمد الطیب نے آسٹریلیا اور نیوزی لینڈ میں مشرقی کلیسیاؤں کے سربراہان اور نمائندوں کی کونسل کے وفد کا استقبال کیا جو قاہرہ کے دورے پر تھے۔ گرینڈ امام نے کہا: الازہر الشریف آسٹریلیا اور نیوزی لینڈ میں مشرقی کلیساؤں کے سربراہان اور نمائندوں کی کونسل کے وفد کا دہشت گردی کے واقعے جس نے تمام مصریوں کے دلوں کو زخمی کر دیا پر تعزیت پیش کرنے کے لیے، مشیخہ الازہر کے دورے کو سراہتا ہے۔ اور انہوں نے وفد کے انسانی ہمدردانہ دورے اور ایک قوم کی چھتری تلے برادرانہ اور روادار مصری عوام کے ساتھ کھڑے ہونے اور ان تمام لوگوں کا شکریہ ادا کیا جو امن پھیلانے کے خواہاں ہیں۔ انہوں نے مزید کہا کہ اسلام رحمت کا مذہب ہے اور عیسائیت محبت کا مذہب ہے، وہ رواداری، امن اور مکالمے کی دنیا کے لیے تعاون کرتے ہیں اور گلے لگاتے ہیں، اس بات پر زور دیتے ہوئے کہ جو کچھ ہو رہا ہے وہ دہشت گردی ہے جس کا مقصد مسلمانوں کو اسی طرح قتل کرنا ہے جس طرح ہمارے عیسائی بھائیوں کو قتل کیا جاتا ہے۔   دوسری جانب، چرچ کے وفد نے کہا: ان کا الازہر الشریف کا دورہ ایک قوم کے بیٹوں کو پہنچنے والے عظیم نقصان پر دلی تعزیت اور دہشت گردی کے واقعے کے نتیجے میں مصری عوام کے دکھوں کے ساتھ ہمارے کھڑے ہونے اور یکجہتی کا اظہار ہے۔۔ وفد نے عالمی امن کو پھیلانے میں گرینڈ امام کی کوششوں اور دنیا بھر کے مذہبی رہنماؤں کے ساتھ بات چیت کے دوروں کو سراہا۔ وفد نے الازہر کانفرنسوں کی بھی تعریف کی جو انتہا پسند اور دہشت گردانہ نظریات کا مقابلہ کرتی ہیں اور امن اور رواداری کے کلچر کو پھیلانے کے لیے کام کرتی ہیں اور اقلیتوں کی اصطلاح کو حذف کرنے اور اس کی جگہ شہریت کی اصطلاح کا مطالبہ کرتی ہیں۔ وفد نے الازہر کی طرف سے مذہب کے نام پر نفرت اور تشدد پر اکسانے کو جرم قرار دینے کے لیے تیار کردہ مسودہ قانون کی بھی تعریف کی اور اس بات پر زور دیا کہ شیخ الازہر کی طرف سے اٹھائے گئے اقدامات مصر اور دنیا میں امن کے قیام کی راہ میں اہم قدم ہیں. اور انہوں نے کہا: ہم اپنی آواز ان لوگوں کے ساتھ جوڑتے ہیں جنہوں نے آپ کے لیے یہ کہا تھا: گرینڈ امام شیخ الازہر امن کا آئیکن بن چکے ہیں۔