گرینڈ امام شیخ الازہر پروفیسر ڈاکٹر احمد الطیب نے ابوظہبی میڈیا کمپنی کے جنرل منیجر اور 24 نیوز ویب سائٹ کے ایڈیٹر انچیف ڈاکٹر علی بن تمیم سے ملاقات کی۔ 

گرینڈ امام نے ڈاکٹر علی بن تمیم اور ان کے ساتھ آنے والے میڈیا وفد کا خیرمقدم کرتے ہوئے متحدہ عرب امارات میں ثقافتی اور فکری ترقی، اور شیخ زید بک ایوارڈ اور عرب ریڈنگ چیلنج فیسٹیول جیسے بین الاقوامی تہواروں اور مقابلوں کے ذریعے عرب اور اسلامی ادب اور ثقافت کو پھیلانے میں اس کے رہنماؤں کی کوششوں کی تعریف کی۔  

 

انہوں نے مزید کہا: یہ کوششیں عرب ثقافتی شناخت کے تحفظ اور ابھرتی ہوئی عرب نسلوں کو ان کے ادبی اور ثقافتی ورثے سے جوڑنے کی اہمیت کے بارے میں متحدہ عرب امارات کے رہنماؤں کی بیداری اور شعور کا اظہار کرتی ہیں۔ انہوں نے عرب دنیا میں ترجمے کی تحریک کو بحال کرنے میں "کلمہ" پروجیکٹ کے اہم کردار کی بھی تعریف کی۔  جو متعدد بین الاقوامی زبانوں سے کتابوں کے وسیع انتخاب کا ترجمہ کرکے اور انہیں عرب دنیا کے سامنے پیش کرتے ہیں اس بات پر زور دیا کہ یہ منصوبہ ترقی کے لیے ایک حقیقی قدم کی نمائندگی کرتا ہے جو عرب دنیا کی قیادت کو ترقی یافتہ ممالک کی صف میں کھڑا کرتا ہے۔۔ دوسری جانب، ڈاکٹر علی بن تمیم نے کہا: ہر دور میں عرب اور اسلامی ثقافت کو محفوظ رکھنے کا سہرا الازہر الشریف کے سر ہے، جو کہ اعلیٰ ترین اسلامی اتھارٹی ہے، یہ بتاتے ہوئے کہ الازہر کا اعتدال پسند اور تکثیری نقطہ نظر (منھج) انتہا پسندی اور دہشت گردی سے دور اسلام اور اس کی روادار حقیقت کی نمائندگی کرتا ہے۔ 

ابوظہبی میڈیا کمپنی کے ڈائریکٹر جنرل نے گرینڈ امام کے روشن خیال فکر اور عرب ثقافت کی خدمت کرنے اور اس کی عالمی حیثیت کو بڑھانے والی تمام کوششوں کے لیے ان کی حمایت کی تعریف کی اور اس بات پر زور دیا کہ گرینڈ امام امن اور انسانی بقائے باہمی کی علامت ہیں۔