عزت مآب  امام  اکبر ، پروفیسر ڈاکٹر احمد طیب، شیخ الازہر شریف نے "شین جیانگ صوبے" کی پارلیمنٹ کے اسپیکر شوکت امین اور ان کے ہمراہ آنے والے وفد کا  ان کے قاہرہ کے دورے کے دوران استقبال کیا۔  امام اکبر نے اس بات کی تاکید کی کہ:  ازہر شریف دنیا کے مختلف حصوں میں مذاہب کے پیروکاروں کے درمیان امن اور بقائے باہمی کی اقدار کو شہریت کی بنیاد پر، جس کی  وجہ سے  حقوق اور فرائض میں تمام شہری برابر ہیں، پھیلانے کے لیے بھرپور کوششیں کر رہا ہے۔ انہوں نے وضاحت کی کہ ازہر شریف کا نصاب تکثیریت اور تنوع کے احترام پر زور دیتا ہے۔ امام اکبر نے الازہر کی جانب سے چین کے مسلمانوں کو علمی اور دعوتی حمایت فراہم کرنے کی خواہش کا اظہار کیا، اس بات کی طرف اشارہ کرتے ہوئے کہ الازہر کی تعلیم کے مختلف مراحل میں جامعہ نے بڑی تعداد میں چینی طلباء کو تعلیم  کے حصول کے لیے بلایا۔  نیز الازہر چینی طلباء کو دیے جانے والے وظائف کی تعداد بڑھانے کے لیے تیار ہے۔ اس کے علاوہ: الازہر کے ڈیزائن کردہ پروگرام میں چینی اماموں کی آمد کا امکان ہے ؛ جنہیں عصری مسائل اور جدید اشکالات سے نمٹنے کی تربیت دی جائے گی۔ جیسے: کمیونٹی بقائے باہمی، اور انتہا پسندی کا مقابلہ کرنا۔ اپنی طرف سے، "شین جیانگ پارلیمنٹ" کے سپیکر نے تصدیق کی کہ گرینڈ امام دنیا میں مسلمانوں کے لیے سب سے اہم مذہبی علامت کے طور پر چین میں بہت مقبول اور قابل احترام ہیں۔ نیز  ازہر شریف کے ساتھ تعلیمی، ثقافتی اور دعوت کے شعبوں میں تعاون کو مضبوط بنانے کے لیے چین کی خواہش کا اظہار کیا ۔  کیونکہ ازہر کا نصاب امن اور سماجی بقائے باہمی کی حوصلہ افزائی میں اہم  کردار ادا کرتا ہے۔