امام اکبر  نے "اسلام کے اعتدال" اور قرآن و سنت کی تشریعات  میں اس کے مظاہر کے بارے میں اپنی گفتگو جاری رکھی۔ اور یہ کہ جب انہوں  نے اس شریعت  کے دو پہلوؤں کا جائزہ لیا۔ وہ دو : آسانی اور تکلیف کا دور کرنا، اور قلت تکالیف ہیں

دینی اور دنیاوی معاملات میں وسعت اور سہولت فراہم کرتے ہوئے بہت ساری جگہیں ایسی ہیں کہ جن کے احکام اور شریعت بیان نہیں کی۔

اپنے رمضان پروگرام " امام طیب" کی گیارہویں قسط کے دوران  شیخ الازہر نے شریعت  کی ایک اور بنیاد کے بارے میں بات کی۔ وہ  : "نصوص کی لچک۔" ہے  جس پر مسلم قوانین کی بنیاد ہے۔ انہوں نے وضاحت کی کہ ان قوانین کی  نقل و حرکت میں آسانی، تبدیلی کے ساتھ رفتار برقرار رکھنے اور لوگوں کی زندگیوں کو بہتر بنانے کو یقینی بنانے کی ضمانت ہے ۔ جس چیز نے اسے ایک "الہی قانون" بنا دیا، جو ہر زمانے اور  اور جگہ  کے لیے درست ہے۔ یہ وہ صفت ہے جو  تراث کی اصل اور فرعی  کتابوں میں موجود ہے ۔ انہوں نے مزید کہا کہ یہی وہ خصوصیت ہے جو اسلام کی شریعت کو دیگر تمام قوانین و ضوابط سے منفرد بناتی ہے۔ بلکہ یہ اسلام کے پیغام اور فطرت کا عکاس ہے۔ خداتعالیٰ کی طرف سے لوگوں کے نام ایک آخری حتمی بیان کے طور پر، جو وقت اور جگہ کی حدود سے ماوراء ہے۔ اشارہ کرتے ہوئے کہ یہ مسئلہ دو محوروں کے ثبوت پر منحصر ہے جو ان  پر اس طرح اعتماد کرتا ہے جس طرح کے نتیحہ مقدمات پر اعتماد کرتا ہے ۔ یہ دو محور یہ  ہیں: نبوت محمدی کو سابقہ نبوتوں اور رسالتوں کا خاتم ثابت کرنا  دوسرا محور: محمدی پیغام کی آفاقیت کو ثابت کرنا ہے ۔ اور یہ ہر زمانے اور جگہ کے تمام لوگوں کے لیے عام ہے، قطع نظر اس کے کہ ان کا عقیدہ کچھ بھی ہو - یا اس پیغام پر ان کا یقین نہ ہو۔

امام  اکبر نے وضاحت کی کہ محمدی نبوت کے خاتم ہونے کا مطلب ایک طرف انبیاء اور الہی پیغامات کا خاتمہ ہے، اور اس نبوت رہنے کے ساتھ جو شریعت کی نمائندہ ہے جو لوگوں میں ایک مستقل شعاع کے طور پر قائم ہے۔ اس کی روشنی میں وہ اعتقاد، سلوک  اور عمل میں سچ کو جھوٹ، اچھائی کو برائی اور نیکی کو بدی سے الگ کرتے ہیں۔ اور اس لیے کہ محمدی نبوت کا خاتم نبوات ہونا  اور اس کا تسلسل دو لازم و ملزوم معاملات ہیں، یا ایک ہی سکے کے دو رخ ہیں، جن میں سے ایک کو دوسرے کے ساتھ حاصل کیے بغیر حاصل نہیں کیا جا سکتا۔

انہوں نے واضح کیا کہ یہاں  لزوم سے مراد شرعی  لزوم  ہے۔ اس کا مطلب یہ ہے کہ: اگر آپ فرض کریں کہ محمد صلی اللہ علیہ وسلم کی نبوت حتمی ہے، یعنی یہ ظاہری طور پر آخری نبوت  ہے، اور  اس کا صفحہ تہہ کر دیا گیا ہے، اور اس کا مشن ختم ہو گیا ہے، اور اس کے احکام اور شریعت آپ  کے انتقال سے اٹھا لیے گئے ہیں۔  تو اس طرح نرض کرنے یہ لازم آئے گا کہ انسانیت کو دسیوں ہزار سالوں تک مکمل تاریکی  سراسر افراتفری اور کھلی گمراہی میں ہے۔ آسمانی ہدایت کی عدم موجودگی، رحمت الٰہی کے انقطاع کی وجہ سے، اور شر و تاریکی کی قوتوں کے ظلم و ستم کی وجہ سے، اور اس فرض کے ساتھ  قیامت کے دن حساب، جزا اور سزا کا مفہوم  بھی باطل ہو جائے گا۔ جیسے  قیامت، جنت، جہنم اور صراط  پر ایمان کے معنی بھی باطل ہو جائے  گا۔ بلکہ اللہ تعالیٰ، اس کے فرشتوں، اس کی کتابوں اور اس کے رسولوں پر ایمان لانا فضول ہو جاتا ہے۔ اور یہ سب ایک سادہ وجہ سے وہ یہ کہ: " کہ اللہ تعالیٰ نے ان کو ڈرانے اور خوشخبری دینے کے لیے کوئی رسول نہیں بھیجا"۔ یہ ایک ایسی لغو بات ہے جو علیم و حکیم کے لائق نہیں، جس کی مہربانی، سخاوت یا رحم پلک جھپکنے تک نہیں رکتا جب تک کہ خدا زمین اور اس پر رہنے والوں کا وارث نہ بن جائے۔ انہوں نے ایک سوال بھی اٹھایا جسے بعض لوگ یہ کہتے ہوئے اٹھاتے ہیں کہ  اگر ہم یہ تسلیم کر لیتے ہیں کہ ختم نبوت شرعی طور پر استمرار کو لازم ہے لیکن یہ کیوں لازم ہے کہ یہ سب لوگوں کے لیے عام ہے؟ کیا یہ جائز نہیں کہ نبوت صرف ایک قوم کے لیے جاری رہے - مثلاً دوسری قوموں کے بغیر صرف عربوں کے لیے -  انہوں  نے جواب دیا  کہ اس اعتراض کا بھی وہی انجام ہے جیسا کہ پچھلے اعتراض کا ہے

اس مفروضے کے ساتھ خدائی ہدایت صرف ایک قوم تک محدود ہو جائے گی اور باقی قومیں خیر اور بدی کی پہچان نہ رکھتے ہوئے گمراہ اور محروم رہیں گی۔ اور اس کے لیے  یہ کہاں سے ہو گا  جب اس کی طرف کوئی خوش خبری سنانے والا  یا ڈرانے والا نہیں بھیجا گیا تھا؟ اس کے لیے  وہ تمام شرعی  اور عقلی ناممکنات لازم آئیں  گے جو اس سے پہلے تھے۔ اور انہوں  نے واضح کیا کہ اگر یہ ثابت ہو جائے کہ محمد صلی اللہ علیہ وسلم کی نبوت - تمام مخلوقات کے لیے ایک آخری اور عمومی نبوت  ہے، تو یہ لازماً ثابت ہو جائے گا  کہ اس نبوت میں موجود شریعت ایک عمومی اور مستقل شریعت  ہے۔

 اور یہ اپنے سے ما سبق  الٰہی قوانین اور پیغامات  کی وارث ہے ۔ جو شریعتوں میں عقائد، اہم اقدار اور اخلاق ہیں اور اس میں وہ سب شامل ہیں، اس سے یہ بھی ثابت ہوتا ہے  کہ یہ ایک ایسی  شریعت  ہے جسے منسوخ نہیں کیا جا سکتا کیونکہ اس کے بعد کوئی ایسا مذہب ظاہر ہونے والا نہیں  ہے، جو اسے مکمل یا جزوی طور پر منسوخ کرے۔

شیخ الازہر نے مزید کہا کہ قرآن کریم نے اللہ تعالیٰ کے اس فرمان میں "ختم نبوت" کی حقیقت کی تصدیق کی ہے کہ : ’’محمد تمہارے مردوں میں سے کسی کے باپ نہیں ہیں بلکہ وہ خدا کے رسول اور خاتم النبیین ہیں اور خدا ہر چیز کا جاننے والا ہے۔‘‘ اسی طرح تمام لوگوں کے لیے "ان کے پیغام کی عمومیت" کی حقیقت جو قرآن کریم نے اللہ تعالیٰ کے  اس ارشاد میں بیان  کی ہے۔ {اور ہم نے آپ کو تمام لوگوں کے لیے بشارت دینے والا اور ڈرانے والا بنا کر بھیجا ہے لیکن اکثر لوگ نہیں جانتے۔}" نیز، قطعی سنت  نے ان دونوں حقائق کو تسلیم کیا  اور ان کی تصدیق اپنے اس فرمان میں کی کہ:  "اور میں تمام مخلوقات کی طرف بھیجا گیا تھا اور مجھ پر انبیاء کی نبوت ختم کی گئی ہے۔" اور ان  کا قول: ’’نبی خاص اپنی قوم کی طرف بھیجاجاتا  تھا اور مجھے عام لوگوں کی طرف بھیجا گیا ہے ۔‘‘ اور آپ   کا قول: ’’اور میرے بعد کوئی نبی نہیں آئے گا اور ان کے جانشین ہوں گے اور وہ کثرت میں ہوں  گے۔‘‘

امام اکبر  نے اس بات کی طرف اشارہ کرتے ہوئے بات مکمل کی کہ جس چیز کا بہت سے لوگوں کو ادراک نہیں ہے وہ  وہ آیات اور احادیث ہیں جو ان دو حقائق کے بارے میں مذکور ہیں۔ یہ سب معجزات کے قبیل سے ہیں  جو مستقبل کی غیب کے بارے میں بات کرتی ہیں۔ حقیقت اور تاریخ کے واقعات اس سلسلے میں جو کچھ قرآن اور نبی صلی اللہ علیہ وسلم نے بتایا ہے اس سے انحراف نہیں کیا۔ آپ  کے ظہور کو تقریباً ایک ہزار پانچ سو سال گزر چکے ہیں، اور  تاریخ میں کسی ایسے شخص کا ظہور درج نہیں ہے جو کوئی خدائی پیغام لے کر آیا ہو۔ اور وہ لوگوں کو اس کپر کار بند کرنے میں کامیاب ہو گیا ہو، یا وہ ایک ایسی قوم بنانے میں کامیاب ہو گیا جو اس پر یقین کرے اور متفقہ طور پر اس کی نئی نبوت  پر ایمان لائے۔ جس سے  اللہ تعالیٰ  یہ کا قول جھوٹا ہوتا۔ "لیکن خدا کے رسول اور خاتم النبیین ہیں" اور آپ صلی اللہ علیہ وسلم کا فرمان :"اور میرے بعد کوئی نبی نہیں۔" جھوٹا  ثابت ہوتا، کیا تاریخ کی گواہی اور حقیقت کی گواہی کے بعد اس نبی کے سچا ہونے کے لیے کسی اور  گواہی کی ضرورت  ہے؟ مزید یہ کہ اگر آپ صلی اللہ علیہ وسلم کو ایک لمحے کے لیے بھی شک ہو یا ریب  ہو تا کہ اللہ تعالیٰ نے انہیں یہ دو حقائق لوگوں تک پہنچانے کا حکم دیا ہے۔ تو  کیا وہ اسے نشر کرنے اور کسی کتاب میں ریکارڈ کرنے کی جرأت کرے گا یہ جانتے ہوئے کہ مسلمانوں کے لیے ان کے مذہب اور ان کے پیغمبر کے پیغام کا انکار کرنے والوں کے خلاف یہ واحد دلیل ہوگی؟!