شیخ  ازہر  اور   امام اعظم جناب پروفیسر ڈاکٹر احمد الطیب نے سماجی رابطوں کی ویب سائٹس فیس بک اور ٹوئٹر کے دو آفیشل پیجز پر عربی اور انگریزی میں ایک ٹویٹ کے ذریعے کہا ہے کہ مجھے مسجد ازہر میں شہزادہ چارلس سے مل کر خوشی ہوئی ہے اور امام اکبر نے اپنے ٹویٹ میں مزید کہا کہ ہم نے عصر حاضر کے سب سے نمایاں انسانی بحرانوں کے سلسلہ میں تبادلہ خیال کیا جس کے دوران میں نے ان میں ایک عقلمند اور ذمہ دار رہنما پایا اور اسلام اور مسلمانوں کے بارے میں ان کی گفتگو میں ایک منصف مغربی آواز پائی ہے اور ہم نے بین المذاہب گفت وشنید کو فروغ دینے، موسمیاتی تبدیلی کے بحران اور اس کے خطرے کو کم کرنے کے لئے بنیادی حل تلاش کرنے کی ضرورت واہمیت پر بھی تبادلہ خیال کیا ہے اور قابل ذکر بات یہ ہے کہ امام اکبر نے برطانوی ولی عہد شہزادہ ویلز رائل ہائینس پرنس چارلس اور ان کی اہلیہ کا کل جمعرات کو مسجد ازہر میں استقبال کیا تاکہ برطانیہ اور ازہر کے درمیان ثقافتی اور سائنسی تعاون کو بڑھانے کے طریقوں پر تبادلہ خیال کیا جا سکے، مذاہب کے پیروکاروں کے درمیان گفت وشنید کی ثقافت کو اجاگر کیا جا سکے اور عصری انسانی بحرانوں کے بارے میں بات کی جا سکے جن میں سب سے اہم موسمیاتی تبدیلی کا بحران ہے۔