امام اکبر پروفیسر ڈاکٹر احمد  طیب شیخ الازہر نے  ازبکستان اور ازہر شریف کے مابین باہمی تعاون  کو مزید فروغ دینے کے لیے جمعرات کی صبح قاہرہ میں موجود جمہوریہ ازبکستان  کے سفیر منصور بیگ  کا مشیخۃ الازہر میں استقبال کیا ہے،  امام اکبر نے کہا  کہ:  ازہر  ریاست ازبکستان کے ساتھ وسیع علمی دعوتی تعلقات کو فخر کی نگاہ سے دیکھتا ہے،  یہ اس لیے کے یہ اسلامی ریاست ‏ علم و علماء کا احترام کرتی ہے اور اسلامی ورثے کی حفاظت کا  بھرپوراہتمام کرتی ہے،  انہوں نے اس بات کا یقین دلایا کہ ریاست ازبکستان کے  علمی اور دعوتی اداروں کے ساتھ باہمی تعاون کو فروغ دیا جائے گا،  تاکہ دونوں طرف استفادہ کیا جا سکے۔  دوسری طرف سفیر منصور بیگ نے  ریاست ازبکستان کی طرف سے امام اکبر کے لیے احترام کا اظہار کیا اور دنیا میں امن و سلامتی، برداشت اور باہمی بات چیت کو عام کرنے میں ان کے کردار کو سراہا،  اور انہوں نے اس بات کی صراحت کی  کہ ازہر شریف کے ساتھ باہمی تعلقات کو فروغ ملا ہے اور ان کا ملک ازہر شریف  کےعلمی و دعوتی تجربات سے استفادہ کرنے کے لئے تیار ہے۔