امام اکبر پروفیسر ڈاکٹر احمد طیب  شیخ الازہر دنیا کو جنگوں کی سختی،  ان کے تباہ کن اثرات،  اقتصادی بحران،  وسائل کے ضیاع،  غربت و ناخواندگی اور نفرت  و امراض کے پھیلاؤ سے خبردار کرتے ہیں،  جس کے نتیجے میں جنگ زدہ علاقے میں بے گناہ اور  کمزور لوگ سخت متاثر ہوتے ہیں،  بلکہ ان کے اثرات دنیا بھر میں جاتے ہیں۔  امام اکبر نے اپنے فیس بک اور  ٹوئٹر اکاؤنٹس میں لکھا  کہ:  میں نے اور میری نسل کے لوگوں نے جنگ کی سختیوں اور تنازعات کی کڑواہٹوں  کو جھیلا ہے،  اور  اقتصادی بحران، وسائل کے ضیاع،  غربت و ناخواندگی اور  نفرت  و امراض  کے پھیلاؤ  جیسے اس کے تباہ کن  اثرات کا مشاہدہ کیا ہے، امام اکبر نے عالمی قیادت اور دانشوروں کو مخاطب کرتے ہوئے جلد از جلد جنگ کو روکنے کے لیے بھرپور  کوششوں  کا مطالبہ کیا ہے،  انہوں نے کہا: جس حد تک ہو سکے جنگ کو روکنے کی کوشش  کریں  اور متحد ہوکر کمزوروں بے گھروں کو بچائیں،  قوموں اور انسانیت کے لیے عدل و سلامتی اور  استحکام  کی ان کاوشوں پر تاریخ ہمیشہ آپ کو یاد رکھے گی۔