آج  نماز عصر کے بعد جامع ازہر میں قرآن کریم کے سالانہ امام اکبر مقابلہ جیتنے والوں کے اعزاز میں ازہر شریف نے امام اکبر پروفیسر ڈاکٹر احمد طیب شیخ الازہر کی زیرنگرانی ایک بڑی محفل کا انعقاد کیا، جسے ازہری اداروں میں قران کریم سے متعلق جنرل ایڈمنسٹریشن نے سپروائز کیا، اور اس میں اسلامی تحقیقاتی ادارے کی نظر ثانی کمیٹی اور مسجد ازہر کی جنرل ایڈمنسٹریشن نے اس کا ساتھ دیا۔

   یہ مقابلہ ہر سال منعقد ہوتا ہے اور اس سال ملکی سطح پر 162000 طلبہ و طالبات نے حصہ لیا،  پہلے مرحلے میں 104529 طلبہ و طالبات نے مقابلہ جاتی امتحان پاس کیا، پھر تمام ازہری اداروں میں کوالیفائنگ راؤنڈ مارچ 2022ء میں شروع ہوا، اور ملکی سطح پر اب 22794 طلبہ و طالبات کو اعزاز دیا جائے گا۔

 ازہری اداروں کی سطح پر 388  طلبہ و طالبات نے  کوالیفائنگ راؤنڈ کے امتحان میں سب سے زیادہ نمبر حاصل کئے،  اور یہ طے پایا ہے کہ امام اکبر ملکی سطح پر پہلی دس پوزیشنز حاصل کرنے والے طلباء کو مشیخۃ الازہر میں آج ظہر کے وقت انعامات دیں گے، اس کے بعد مسجد ازہر کی ایک بڑی محفل میں ازہری اداروں سے اول آنے والے طلباء کو انعامات دیے جائیں گے، اور ان طلباء و طالبات کی تعداد 54  ہے۔