امام الاکبر پروفیسر احمد الطیب نے فیس بک اور ٹویٹر پر اپنے آفیشل پیجز پر ڈاکٹر عبلہ الکحلاوی کے لیے تعزیت کا اظہار کیا، جو کل اتوار کو کورونا وائرس سے متاثر ہونے کے نتیجے میں 72 سال کی عمر میں انتقال کر گئیں تھیں، شيخ الازہر نے اس بات پر زور دیا کہ ڈاکٹر عبلہ الکحلاوی ایک ایسی عورت کے لیے نمونہ تھیں جو اپنے مذہب اور معاشرے کے لیے صالح ہیں، انہوں نے مزید کہا کہ وہ اللہ کی طرف بلانے کے راستے پر چلی، اس لیے لوگوں کے دلوں نے انھیں سمیٹ لیا، ذہنوں کو اپنے علم سے روشن کیا، اور اللہ نے انہیں غریبوں اور یتیموں کی مدد کے لئے ایک مددگار بنایا، اللہ سے دعا ہے کہ وہ انہیں اپنی رحمت اور بخشش سے ڈھانپے، اور ان کے علم اور کام کو ان کے لئے سفارشی بنائے۔ انا للہ وانا الیہ راجعون، ڈاکٹر عبلہ الکحلاوی جامعہ الازہر کی فیکلٹی آف اسلامک اینڈ عربی اسٹڈیز "گرلز برانچ" میں فقہ کی پروفیسر تھیں، اور انھوں نے الازہر یونیورسٹی میں اسلامیات کی فیکلٹی میں شمولیت اختیار کر کے اسلامی قانون میں مہارت حاصل کی، جہاں سے انھوں نے قانون کی تعلیم حاصل کی۔ اور پھر فقہ مقارنہ میں 1974 میں ماسٹرز کیا، 1978 میں اسی سپیشلایزیشن میں ڈاکٹریٹ کی، اور یونیورسٹی کی تدریس کے شعبے میں ایک سے زیادہ منصب پر فائز ہوئیں، جن میں ریاض میں کالج آف ایجوکیشن فار گرلز، الازہر یونیورسٹی، اور 1979 میں مکہ المکرمہ میں کالج آف ایجوکیشن میں شعبہ شریعہ کی صدارت سنبھالی۔