عزت مآب امام اکبر پروفیسر ڈاکٹر احمد طیب شیخ الازہر شریف نے آج بروز ہفتہ مشیخۃ الازہر میں سفیر ڈاکٹر نایف رشید دلیمی، سفیر جمہوریہ عراق سے ملاقات کی۔ عراقی سفیر نے شیخ الازہر کو عراق کی جدید صورت حال اور عراقی سفارت خانے کی جانب سے ان کے آنے والے دورہ عراق کے سلسلے میں کیے جانے والے انتظامات سے آگاہ کیا۔ عراقی سفیر نے شیخ الازہر سے کہا کہ تمام عراقی آپ کے دورہ کا بے صبری سے انتظار کر رہے ہیں اور عراقی وزیر اعظم اس دورے پر بہت زیادہ توجہ دے رہے ہیں، اور اس طرف بھی اشارہ کیا کہ قاہرہ میں عراقی سفارت خانے نے ازہر کے ادارے کے ساتھ ہر وقت دورے کی تفصیلات اور انتظامات کی پیروی کے لیے ایک ٹیم تشکیل دی ہے۔ اپنی طرف سے، شیخ الازہر نے اگلے جنوری میں عراق کا دورہ کرنے کی خواہش کا اظہار کیا، اور اس بات پر زور دیا کہ یہ دورہ ازہر شریف کی طرف سے عراقی عوام کے لیے بہت زیادہ پیار اور محبت پر مشتمل دورہ ہو گا، اس دورے کا بنیادی مقصد اسلامی فکر کے مکاتب فکر کے درمیان افہام و تفہیم اور اتحاد کو بڑھانا اور امت کو متحد کرنا ہو گا۔