اللہ کے فیصلے پر رضامندی کا اظہار کرتے ہوئے امام اکبر پروفیسر ڈاکٹر احمدطیب شیخ الازہر نے شام کے عالمِ جلیل علامہ شیخ محمد علی صابونی جو 91 سال کی عمرپاکر جمعہ کی صبح انتقال کرگئے ان کی وفات پر تعزیت پیش کی۔ اور ازہر نے زور دیتے ہوئے کہا کہ شیخ صابونی نے جامعہ ازہر سے فراغت کے بعد سے علماء میں مقبول ہونے تک قرآن و حدیث اور منہج اہلسنت کی خدمت میں کوئی کسر نہیں چھوڑی۔ انہوں نے کتاب الٰہی کی تفسیر میں نمایاں نقوش چھوڑے ہیں ، ان کی کتابیں اورمؤلفات تمام طلباء کے لیے ایک مرجع کی حیثیت رکھتی ہیں۔ امام اکبر شیخ الازہر نے عالم اسلام، شامی عوام، شیخ کے تلامذہ ، ان کے اہل و عیال اور ان کے محبین کو دلی تعزیت اور ہمدردی پیش کی ہے ، اللہ تعالیٰ سے دعا کرتے ہوئے کہ وہ ان کو اپنی رحمت اور مغفرت میں ڈھانپ لے ، اور ان کے علم و عمل کو ان کی شفاعت کا ذریعہ بنائے۔اناللہ وانا الیہ راجعون - ہم اللہ کے لیئے ہیں اور ہمیں اسی کی طرف لوٹ کر جانا ہے۔