تقدس مآب پوپ تواضروس دوم، الیگزینڈریا کے پوپ نے، بروز بدھ پروفیسر ڈاکٹر احمد طیب، شیخ الازہر شریف کو عید الاضحی کی مبارکباد دی۔

فون کال کے دوران، تقدس مآب پوپ تواضروس نے امام اکبر اور تمام مسلمانوں کو عید الاضحی کے قریب آنے کے موقع پر دلی مبارکباد پیش کی۔ ، اس بات کی طرف اشارہ کرتے ہوئے کہا کہ عیدیں مصریوں (مسلمان اور عیسائی) کے درمیان محبت اور دوستی کے بندھن کی تجدید کا موقع ہیں۔ اور ان مواقع پر وطن کے بندھن سے بندھنے کا موقع ہیں۔ جو ان تعلقات کی مضبوطی کو ظاہر کرتا ہے۔ انہوں نے خدا سے دعا کی کہ وہ عالمی امن کے حصول، ہمارے پیارے مصر کے مقام کو بلند کرنے، اور پوری دنیا میں شہریت، مکالمے اور بقائے باہمی کے کلچر کو مستحکم کرنے کے لیے امام اکبر کی کاوشوں میں کامیابی عطا کرے۔

اپنی طرف سے امام  اکبر نے اس کال کے لیے اپنی مخلصانہ تعریف کا اظہار کیا، اور تقدس مآب پوپ تاواضروس دوم، اور تمام مسیحی بھائیوں کے لیے نیک تمناؤں کا اظہار کیا، آپ نے اس بات پر زور دیا کہ اعیاد ملک کے لوگوں کے درمیان زیادہ ہم آہنگی اور بھائی چارے اور مسلمانوں اور عیسائیوں کے درمیان امن و محبت کے تبادلے کا ایک اچھا موقع ہیں۔ لیکن اس کے ساتھ ساتھ ہمیں اس بات کا بھی بہت دکھ ہے کہ عید الاضحی کی بابرکت ساعتیں قریب آ رہی ہیں اور غزہ میں ہمارے بھائی ابھی تک صہیونی جارحیت کا شکار ہیں جس نے غزہ میں زندگی کے تمام پہلوؤں کو پامال کر دیا ہے۔ اللہ تعالیٰ سے دعا ہے کہ وہ فلسطین کے عوام کی پریشانیوں کو دور کرے، ہمارے پیارے مصر کو سلامتی اور امن عطا فرمائے اور اسے امن و استحکام کا گہوارہ بنائے۔