شیخ الازہر نے بین الاقوامی اداروں کی  غزہ میں کام مکمل کرنے کی امدادی سرگرمیوں کو متحرک کرنے کی ضرورت پر زور دیا تاکہ وہ غزہ میں اپنا کام مکمل کریں۔

شیخ الازہر نے جارحیت بند ہوتے ہی غزہ میں صحت اور تعلیمی اداروں کی تعمیر نو کے لیے تعاون کی ضرورت پر زور دیا۔

عزت مآب امام اکبر پروفیسر ڈاکٹر احمد طیب شیخ الازہر شریف، چیرمین مسلم کونسل آف ایلڈرز نے ڈاکٹر نور احمد، انڈونیشین نیشنل زکوٰۃ اتھارٹی کے چیئرمین سے، انڈونیشیا کے دارالحکومت جکارتہ میں اپنی رہائش گاہ پر ملاقات کی؛ اور غزہ کی حمایت میں مشترکہ تعاون کو بڑھانے کے طریقوں پر تبادلہ خیال کیا گیا۔

ملاقات کے آغاز میں ڈاکٹر نور احمد نے شیخ الازہر کو ان کے دوسرے ملک انڈونیشیا میں خوش آمدید کہتے ہوئے اس بات پر زور دیا کہ یہ دورہ انڈونیشیا کے لیے بہت اہم  ہے۔ اس حقیقت کے پیش نظر کہ الازہر انڈونیشیا کے مسلمانوں کے لیے ایک علمی اور مذہبی اتھارٹی کی نمائندگی کرتا ہے، اور زکوٰۃ اور چیریٹی ہاؤس - الازہر کے خیراتی ادارے - اور انڈونیشیا میں نیشنل زکوٰۃ اتھارٹی کے درمیان تعاون اور ہم آہنگی کی طرف اشارہ کیا۔

انڈونیشیا کی قومی زکوٰۃ اتھارٹی کے سربراہ نے تصدیق کی کہ غزہ کے خلاف جارحیت کے آغاز سے ہی اتھارٹی اور زکوٰۃ و خیراتی ہاؤس کے درمیان ہم آہنگی اور تعاون اپنی بلند ترین سطح پر پہنچ گیا ہے۔ انڈونیشیا کے عوام امدادی اور انسانی امداد کے قافلے تیار کرکے اور مصری زکوٰۃ ہاؤس کے ذریعے غزہ کی پٹی  میں بھیج کر غزہ کے لوگوں کی مدد کے لیے اٹھ کھڑے ہوئے تھے۔

اپنی طرف سے، شیخ الازہر نے غزہ کی حمایت کے حوالے سے ازہر شریف اور انڈونیشیا کی قومی زکوٰۃ اتھارٹی کے درمیان تعاون کا شدت سے خیرمقدم کیا۔ اور کہا کہ معصوم بچوں، عورتوں اور بوڑھوں کو بچانے کے لیے امدادی کوششوں کو متحرک کیا جائے جو بدترین تشدد کا شکار ہیں۔ غزہ میں اپنا کام مکمل کرنے کے لیے بین الاقوامی اداروں کی مدد کی جائے خاص طور پر اقوام متحدہ کی ریلیف اینڈ ورکس ایجنسی برائے فلسطینی پناہ گزین (UNRWA)۔

شیخ الازہر نے غزہ پر جارحیت کے نتیجے میں منہدم ہونے والے صحت اور تعلیمی اداروں کی تعمیر نو کے لیے تعاون اور جارحیت کے مکمل خاتمے کے بعد گھروں اور رہائشی عمارتوں کی تعمیر نو کی ضرورت پر زور دیا۔ ہر ایک سے غزہ میں اپنے مظلوم بھائیوں کے لیے مدد کا ہاتھ بڑھائے کا کہا جب تک کہ خدا ان کے خلاف ناانصافی کو ختم نہ کرے۔