یہ دورہ ایسے وقت میں ہوا جب یورپ میں کئی دہشت گردانہ حملوں کی وجہ سے سخت سیکیورٹی ماحول پیدا ہوا تھا۔ یہ مغربی دنیا کے حالات کو پرسکون کرنے، اسلام کی تصویر کا دفاع کرنے اور اس کی روادار حقیقت کو ظاہر کرنے کے لیے کیا گیا تھا، جو کہ تشدد اور دہشت گردی کی بجائے بقائے باہمی اور امن کا مطالبہ کرتا ہے۔

اس دورے کے دوران امام اکبر نے یورپی عوام اور دنیا بھر کے مسلمانوں سے عالمی خطاب کیا۔ تاکہ ان  کو اسلام کی حقیقی تصویر دکھائی جائے۔

عظیم الشان جشن کے دوران امام اکبر نے فرانسیسی صدر فرانسوا اولاند سے بھی ملاقات کی، اور دارالحکومت پیرس میں "باٹاکلان" تھیٹر کا دورہ بھی کیا، جس میں فرانس اور دنیا میں دہشت گردی کے متاثرین کے لیے  امن اور یکجہتی کا پیغام بھیجا گیا۔

نیز امام اکبر نے فرانس کے دارالحکومت پیرس میں مشرق اور مغرب کے حکماء کے درمیان مکالمے کے دوسرے دور کا بھی افتتاح کیا، امام اکبر نے فرانس کی قومی اسمبلی کے صدر اور فرانسیسی سینیٹ کے چیرمین سے ملاقات کی۔ انتہا پسندی اور دہشت گردی سے نمٹنے کی کوششوں اور فرانسیسی مسلمانوں کا ان کے معاشرے میں انضمام کے طریقہ کار پر بھی تبادلہ خیال کیا۔

انہوں نے فرانسیسی کرسچن ڈیموکریٹک پارٹی کے سربراہ اور پیرس میں عرب اور اسلامی ممالک کے متعدد سفیروں کے علاوہ فرانس میں مقیم مصری کمیونٹی کے ایک وفد سے بھی ملاقات کی اور  انہیں اپنے (فرانسیسی) معاشرے میں ضم ہونے پر ابھارا۔