امام اکبر نے 25 مئی 2016 کو روم میں پوپ ہیڈ کوارٹر کا اپنی نوعیت کا پہلا تاریخی دورہ کیا۔ جس کے دوران انہوں نے ویٹیکن کے پوپ، پوپ فرانسس سے ملاقات کی۔ جس میں امن اور بقائے باہمی کی ثقافت کو پھیلانے کے طریقوں پر تبادلہ خیال کیا ،  اور  فریقین نے ازہر اور ویٹیکن کے درمیان تقریبا 10 سال تک جاری رہنے والے تناؤ اورانقطاع کے بعد دوبارہ مذاکرات شروع کرنے پر اتفاق کیا۔ انہوں نے نئی صورتحال کے مطابق 1989 میں دونوں فریقوں کے درمیان طے پانے والے مکالماتی معاہدے میں ترمیم کرنے اور انتہا پسندی اور تشدد کا مقابلہ کرنے کے لیے ایک مضبوط پیغام کے ساتھ نکلنے پر بھی اتفاق کیا جس کا پوری دنیا مشاہدہ کر رہی ہے۔ اور قاہرہ میں ایک عالمی امن کانفرنس کے انعقاد پر بھی اتفاق ہوا  جو 27 – 28 اپریل 2017 کو منعقد ہو چکی ہے۔ اور دورے کے اختتام پر پوپ ویٹیکن نے گرینڈ امام کو ایک  تحفہ  بطور یاد گار پیش کیا۔