گرینڈ امام ، شیخ الازہر پروفیسر ڈاکٹر احمد الطیب اور صحت و آبادی کی وزیرہ ڈاکٹر ہالہ زاید نے اتوار کے دن لکسر  گورنریٹ میں قونصلر /مصطفی الالہم، گورنر لکسر ، اور وزارت صحت اور لکسر  گورنریٹ کے رہنماؤں کے ایک گروپ کی موجودگی میں القرنا سپیشلائزڈ ہسپتال میں تعمیراتی کام کا معائنہ کیا۔

گرینڈ امام نے لکسر میں وزیر صحت کا استقبال کرتے ہوئے ہسپتال کے تعمیراتی ماڈل کی تعریف کی، جو قرنا شہر کی سرزمین پر ایک مربوط طبی عمارت ہے، جو لکسر  گورنریٹ کے اہم ترین سیاحتی علاقوں میں سے ایک ہے۔ اس شہر میں سالانہ ہزاروں سیاح آتے ہیں۔ اور یہ کہ لکسر میں لاگو کیے جانے والے جامع ہیلتھ انشورنس سسٹم نے مریضوں کے بوجھ کو کم کرنے اور مربوط اور ممتاز طبی خدمات فراہم کرنے میں مؤثر کردار ادا کیا ہے، انہوں نے مصر میں صحت کے شعبہ  میں ترقی  کی کوششوں پر وزارت کا شکریہ ادا کیا۔

وزیره صحت نے بتایا کہ لکسر میں القرنا سپیشلائزڈ ہسپتال 21 ہزار مربع میٹر کے رقبے پر تقریباً 800 ملین پاؤنڈ کی لاگت سے تعمیر کیا جا رہا ہے۔ اور یہ کہ ہسپتال دوسرے مرحلے کے اندر گورنریٹ میں لاگو ہونے والے جامع ہیلتھ انشورنس سسٹم میں شامل ہو جائے گا، اور یہ کہ اسے تعمیراتی کوڈز، معیار كی عمدگی  اور جامع ہیلتھ انشورنس سسٹم کی منظوری کے مطابق 8 ماہ کے اندر  مکمل اور تیار  کر دیا جائے گا۔ انہوں نے  قرنا شہر کے لوگوں کی ڈیمانڈ پر  اسپتال سے منسلک ایک نرسنگ اسکول کے قیام کی بھی ہدایت کی ہے ، لکسر  میں قرنا اسپیشلائزڈ اسپتال ہسپتال کے ضمنی سروس ایریا کے علاوہ، 21 ہزار مربع میٹر کے رقبے پر قائم کیا جائے گا،، ہسپتال میں مختلف طبی اسپیشلٹیز کلینک کا ایک شعبہ، لیبارٹری ڈیپارٹمنٹ کے علاوہ، ایک ریڈیولاجی ڈیپارٹمنٹ شامل کرنے کا پروگرام ہے، جو مختلف قسم کے ریڈیولاجی کے شعبے میں جدید ترین آلات سے لیس ہوگا۔

اسی طرح اس میں آپریشن تھیٹرز  روم، انتہائی نگہداشت وارڈ ، کارڈیک اور سیریبرل کیتھیٹرائزیشن انٹروینشن روم بھی شامل ہوں گے اور ہسپتال کو 11,000 لیٹر کی گنجائش والا آکسیجن ٹینک فراہم کیا جائے گا۔