ازہر شریف کے شیخ امام اکبر پروفیسر ڈاکٹر احمد طیب نے افریقی میکانزم فار پیئر اسیسمنٹ کے نمائندے جناب خیار عمر فضل اللہ سے  ان  کے دورہ قاہرہ کے دوران ملاقات کی۔ امام اکبر نے کہا کہ افریقہ میں بہت زیادہ صلاحیتیں اور دولت موجود ہے جو اسے ایک عظیم نشاۃ ثانیہ حاصل کرنے کے قابل بناتی ہے۔ انہوں نے مزید کہا کہ ازہر شریف افریقی براعظم کے ممالک کی حمایت کو ترجیح دیتا ہے، اسی لیے  ہزاروں افریقی طلباء کو الازہر میں تعلیم حاصل کرنے کے لیے خوش آمدید کہتا ہے۔ اور ان میں اعتدال، وسطیت اور دوسرے کو قبول کرنے کی روش پیدا کرتا ہے۔ جیسے کہ  بڑی تعداد میں ائمہ بھی بلائے جاتے ہیں تاکہ انہیں عصری مسائل جیسے بقائے باہمی اور دہشت گردی کے حوالے سے تربیت دی جائے۔ ، نیز مذہب اور نسل سے قطع نظر  امدادی اور طبی قافلے بھی روانہ کیے جاتے ہیں جو افریقی کمیونٹی کو مدد فراہم کرتے ہیں، ۔ اپنی طرف سے، افریقی میکانزم کے نمائندے جناب خیار عمر فضل اللہ نے کہا کہ افریقہ کو انضمام اور خود کفالت حاصل کرنے کے لیے براعظم کے ممالک اور عوام کے درمیان تعاون اور تجربات کے تبادلے کو بڑھانے کی ضرورت ہے۔ افریقی میکانزم کے نمائندے نے الازہر کے طویل تجربے اور مہارت سے استفادہ کرنے کی افریقی یونین کی خواہش کا اظہار کیا۔ انہوں نے مزید کہا کہ الازہر کے پاس سینکڑوں سال کا تجربہ ہے جو دوسرے اداروں کو دستیاب نہیں ہے جس کی وجہ سے وہ افریقہ میں علمی  اور دعوتی تربیت فراہم کرنے کے قابل ہے۔