فضیلت مآب امام اکبر جب سے شیخ الازہر کے عہدے پر فائز ہوئے اس بات کی پوری کوشش کی کہ ازہر شریف سرکاری طور پر آزاد رہے تاکہ وہ اپنی ذمہ داری  بدرجہ اتم انجام دے سکے ، چنانچہ 2012 عیسوی میں جب اس کا موقع ہاتھ آیا تو انہوں نے اس وقت برسر اقتدار مسلح فوج کی اعلی کونسل کے سامنے یہ تجویز رکھی کہ ازہر کو منظم کرنے والے قانون میں تبدیلی لائی جائے، لہذا انیس جنوری کو  2012 عیسوی کے قانون نمبر ( 13 ) سے متعلق فرمان جاری ہوا جس کے تحت ازہر سے متعلق 1961 عیسوی کے قانون نمبر ( 103 ) میں تبدیلی لائی گئی اور اس تبدیلی کی بدولت ازہر ادارے کو متعدد اختیارات حاصل ہوئے ، جن میں سرفہرست یہ ہے کہ شیخ الازہر کا انتخاب ، سینئر علماء کونسل کرے گی جبکہ اس سے پہلے ان کی تعیین صدر جمہوریہ کی طرف سے ہوا کرتی تھی۔